Myanmadakı zəlzələnin gücü ilə bağlı şok açıqlama - 334 atom bombası…
Məlum olduğu kimi Myanmanın mərkəzindəki Saqainq bölgəsi yaxınlığında martın 28-də iki zəlzələ baş verib. Amerika Birləşmiş Ştatları Geoloji Xidmətinin (USGS) məlumatına görə, paytaxt Nepidodan şimalda, Saqainqdən təxminən 16 kilometr şimal-qərbdə 7,7 və 6,4 bal gücündə ardıcıl iki təkan qeydə alınıb.
Zəlzələlər yerin təxminən 10 kilometr dərinliyində baş verib.
Ölkədə bir çox yaşayış və tarixi binalar yerlə yeksan olub, zəlzələ nəticəsində ölənlərin sayı 1644-ə yüksəlib.
Geoloq Jess Feniks mediaya açıqlamasında bildirib ki, belə bir zəlzələnin gücü təxminən 334 atom bombasına bərabərdir. Geoloq həmçinin xəbərdarlıq edib ki, Hindistan tektonik plitəsi Myanmanın altındakı Avrasiya plitəsi ilə toqquşmaqda davam etdiyinə görə, afterşoklar bir neçə ay davam edə bilər. Onun əlavə edib ki, Myanmadakı dağıntılar ölkədəki vətəndaş müharibəsi ilə daha da pisləşəcək.
TAHİR
