WSJ: “Pentaqon rəhbəri xarici həmkarları ilə görüşlərə qohum-qardaşını da aparır”
ABŞ-ın müdafiə naziri Pit Heqset həyat yoldaşı, keçmiş Fox News prodüseri Cennifer Haqseti və qardaşı Filipi xarici hərbi həmkarları ilə bir neçə görüşə aparıb və burada həssas məlumatların müzakirə olunduğu bildirilir. Bu barədə “The Wall Street Journal” məlumat yayıb. Məlumdur ki, Cennifer Haqset fevral ayında NATO-nun mənzil-qərargahında müdafiə nazirlərinin görüşündə iştirak edib və bu toplantıda Ukrayna Müdafiə Təmas Qrupunun da görüşü olub. ABŞ Müdafiə Nazirliyi rəhbərinin həyat yoldaşı martın 6-da Pentaqonda Böyük Britaniyanın müdafiə naziri Con Qili və Britaniya Baş Qərargah rəisi admiral Toni Radakinlə görüşdə də diqqət çəkib. WSJ-nin həmsöhbətlərinə görə, görüşlərdə iştirak edən bəzi xarici iştirakçılar Cennifer Haqsetin kim olduğunu bilmirdilər və təbii ki,görüşdə onun iştirakına təəccübləndilər, lakin açıq şəkildə etiraz etmədilər.
Heqset xarici həmkarları ilə görüşlərdə müzakirə edilən həssas məlumatlara kənar şəxslərə müəyyən səviyyədə təhlükəsizlik icazəsi vermək səlahiyyətinə malik olsa da, onun həyat yoldaşı üçün bunu edib-etmədiyi bəlli deyil. Nəşrin Pentaqondakı mənbələri Cennifer Haqsetin ABŞ Müdafiə Nazirliyinin əməkdaşı olmadığını təsdiqləyiblər. Pentaqonun sözçüsü Şon Parnell isə WSJ-yə deyib ki, "Mən başa düşürəm ki, sizin hekayəniz qeyri-dəqiqliklərlə dolu olacaq və vicdanla yazılmayacaq". The Wall Street Journal yazır ki, Heqsetin mühafizəkar podkastlar hazırlayan və bu yaxınlarda ABŞ Daxili Təhlükəsizlik Departamentinə qoşulan kiçik qardaşı Filip Heqset də bəzi görüşlərdə Pentaqon rəhbərini müşayiət edir. Hər ikisi xüsusilə fevral ayında Quantanamo həbsxanasına getmişdilər və indi ABŞ-ın Asiyadakı müttəfiqlərinə qastrol səfərindədirlər. WSJ-nin hesabatı ABŞ-ın Yəməndəki hərbi əməliyyatı haqqında kəşfiyyat məlumatlarını yayan və The Atlantic jurnalistinin səhvən əlavə edildiyi Siqnal söhbət otağında Pit Heqsetin rolunun daha çox araşdırılması fonunda gəlir.
Surxay Əliyev
