“58 səhifəlik dəhşət” - ABŞ Ukraynanın mineral ehtiyatlarını ələ keçirir
Amerika Ukraynanın bütün yeraltı sərvətləri üzərində nəzarəti nəzərdə tutan yerin təki ilə bağlı saziş layihəsini təklif edib, ancaq Ukraynanın təhlükəsizliyinin təminatından söz belə salmayıb. Bunu Ukraynanın xalq deputatı Yaroslav Jeleznyak keçirdiyi brifinqdə deyib. Deputat qeyd edib ki, layihə Ukrayna üçün son dərəcə sərfəsizdir, çünki xalis gəlir xaricə köçürülür və ABŞ fonddan qonorar alacaq ilk ölkə olur.Beləliklə "Amerikalılara bütün yeraltı sərvətlər, gələcək infrastruktur layihələri üzərində nəzarət təmin olunur. Pullar xaricə gedir və Amerika tərəfinin qərarı ilə bölüşdürülür", - deyə Jeleznyak bildirib.Ukraynalı deputat əlavə edib ki, layihədə heç bir təhlükəsizlik təminatlarından bəhs edilmir.Jeleznyak onu da qeyd edib ki, sənəd 58 səhifədir, lakin o,yekun sənəd deyil ABŞ və Ukrayna arasında müzakirə olunacaq. Deputat vurğulayıb ki, bu saziş gələcəkdə parlament tərəfindən ratifikasiya edilməlidir. "Ratifikasiyadan yan keçmək mümkün deyil. Və onlar heç vaxt bu formada Ali Radada ratifikasiyaya səs verməyəcəklər", - deyə Jeleznyak bildirib.
Surxay Əliyev
