Kaya Kallas: "Qəzza fələstinlilərə məxsusdur"
Avropa diplomatiyasının rəhbəri Qəzza zolağında “dərhal atəşkəsə qayıtmağı” tələb etmək üçün İsrail və Fələstin ərazilərinə səfər edib. "Əzablara son qoyulmalıdır. Qəzza zolağının dağıdılması yalnız radikallaşmanı artırır". Bu bəyanatla bazar günü axşam İsrailə gələn Avropa İttifaqının xarici siyasət departamentinin rəhbəri Kaya Kallas çıxış edib. "İsrailin hərbi hücumu dəhşətli sayda insan ölümünə səbəb olub. Bu müharibə davam etdikcə hər iki tərəf uduzacaq", - deyə o, İsrail və Fələstin rəhbərliyi ilə görüşdən əvvəl vurğulayıb. "İsrailin özünümüdafiə hüququna malik olduğunu vurğulamaqla yanaşı Kallas qeyd edib ki,ancaq İsrail humanitar qanunlara hörmət etməlidir. Qəzzanın bəzi hissələrini ilhaq etmək təhdidləri isə qəbuledilməzdir". "İsrail və Fələstin liderləri ilə danışıqlarda mən təcili olaraq danışıqlara ehtiyac olduğunu vurğulayacağam. Bütün girovlar dərhal azad edilməlidir", - deyə o əlavə edib.
Bazar ertəsi Kallas İsrail prezidenti İshak Hersoq, xarici işlər naziri Gideon Saar və müxalifət lideri Yair Lapidlə görüşməlidir. O, Mahmud Abbas və onun baş naziri Məhəmməd Mustafa ilə görüşmək üçün Fələstin ərazilərinə gedəcək. Bazar günü səhər saatlarında Avropa diplomatiyasının rəhbəri Misirə səfər edib və burada yerli hakimiyyət orqanları, habelə İordaniya, Qətər, Səudiyyə Ərəbistanı və Birləşmiş Ərəb Əmirliklərinin nümayəndələri ilə Donald Trampın anklavı bərpa etmək planına alternativ olaraq təklif olunan “ərəb dövlətləri planı”nı müzakirə edib. Bu planı"real" adlandıran Kallas qeyd edib ki, "Qəzza fələstinlilərə məxsusdur.Və əlavə edib ki, müharibə başa çatdıqdan sonra Qəzza zolağını ən qısa zamanda bərpa etmək lazımdır".
Misirin xarici işlər naziri Badr Abdelatti Kallas ilə birgə mətbuat konfransında Kallas qeyd edib ki, “Həmas gələcəkdə anklavın idarə olunmasında heç bir rol oynamamalıdır”. Onun açıqlamaları bazar günü İsrail ordusunun Qəzza zolağının cənubundakı Rəfah şəhərinə hücuma başladığı vaxta təsadüf edir. Yanvarda başlayan və iki ay davam edən atəşkəsin pozulmasından beş gün sonra İsrail ordusu şimalda əməliyyatlarını davam etdirir. İsrail və HƏMAS fevral ayında atəşkəsin növbəti mərhələsinə dair danışıqlara başlamaq niyyətində idilər. Bu mərhələdə yaraqlılar fələstinli məhbusların müqabilində yalnız 24-nün sağ olduğu güman edilən qalan 59 girovu azad edəcəklər. Baş nazir Benyamin Netanyahu isə iddia edib ki,HƏMAS “İsrailin atəşkəs təkliflərini dəfələrlə rədd edib” və buna görə də Qəzzada hərbi əməliyyatlar bərpa edilib.
Surxay Əliyev
