Türkiyədən Misirin Qəzza planına dəstək - “İsraili dayandırmadan..."
Türkiyənin xarici işlər naziri Hakan Fidan Qahirədə keçirilən sammitdə bildirib ki,Qəzzada sülh səyləri Misirin planı əsasında aparılmalıdır O, Qəzzadakı vəziyyəti Misirin planı əsasında həll etmək üçün beynəlxalq səylər yaratmağa çağırıb. Nazir Qəzzada soyqırım, məcburi köçkünlük və aparteid rejiminin davam etdiyini vurğulayıb.
Hakan Fidan qeyd edib ki, İsrailin martın 18-də həyata keçirdiyi hava hücumları, humanitar yardımı məhdudlaşdırması, Suriya və Livana hücumlarının qarşısının alınması da daxil olmaqla geniş bir gündəmi əhatə edir. Türkiyənin xarici işlər naziri vurğulayıb ki,“İsraili dayandırmadan regionda sülh mümkün deyil. Bizim birinci prioritetimiz Qəzzada dağıntılara son qoymaq və daimi atəşkəsə nail olmaqdır.Bunun üçün İsrailə təzyiqi artırmaq lazımdır”.Nazir, həmçinin təcili və sabit atəşkəsə nail olmaq üçün beynəlxalq platformaların, o cümlədən BMT-nin daha fəal iştirakının vacibliyini qeyd edib. Martın 4-də Qahirədə keçirilən ərəb sammiti Misirin Qəzzanın yenidən qurulması planını 53 milyard dollar məsrəflə təsdiqləyib. Bu, fələstinliləri köçürmədən infrastrukturun yenidən qurulmasını nəzərdə tutur. Bu yanaşma bütün İƏT ölkələri tərəfindən dəstəkləndi. Bundan əvvəl isə ABŞ prezidenti Donald Trampın Qəzzanı Vaşinqtonun nəzarətinə “ötürmək” və fələstinliləri məskunlaşdırmaq planı ərəb dünyasında kəskin tənqidlərə səbəb olmuş və bu etnik təmizləmə cəhdi kimi dəyərləndirilmişdi.
Surxay Əliyev
