Çexiya prezidenti Ukraynada tezliklə atəşkəsin əldə olunmasına şübhə ilə yanaşdı
Çexiya prezidenti Petr Pavel Ukraynada tezliklə atəşkəsə nail olmağa şübhə ilə yanaşır və əmindir ki, bunun üçün hələ çox danışıqlar raundları tələb olunacaq. O, bu barədə “United News” telemarafonuna müsahibəsində bildirib. Pavel deyib ki,ABŞ prezidenti Donald Trampın seçki kampaniyası zamanı “münaqişənin həlli üçün 24 saat kifayət edəcək” dediyini nəzərə alsaq, müharibəni bitirmək üçün yeni Amerika administrasiyasına böyük ümidlər var idi. Lakin nəzərə alsaq ki, iki böyük ölkə arasında müharibə üç ildən artıqdır ki, davam edir, “xüsusən də bu müharibəni başlatan ölkənin - Rusiyanın kifayət qədər iradəsi olmadığından” onu qısa müddətdə dayandırmağın son dərəcə çətin olacağı göz qabağındadır”, - deyə Çexiya prezidenti vurğulayıb. Və əlavə edib ki,“Atəşkəs haqqında razılığa gəlmək üçün danışıqların hələ çox raundunun keçirilməsi lazım olacaq. Eyni zamanda, o, qeyd edib ki, Rusiya özünün kütləvi pilotsuz təyyarələri ilə Ukrayna xalqını “tələsdirməyə” və ukraynalıların hakimiyyətdən istənilən şərtlərlə müharibəni dayandırılmasını tələb etmələrinə nail olmağa çalışır. Bununla belə, Çexiya prezidenti Rusiyanın bu planının baş tutmayacağına inanır. “İnanıram ki, bu baş verməyəcək, çünki bu cür hücumlar Ukrayna xalqını daha da mətinləşdirir və onları yumşaq, hər hansı şübhəli razılaşmalara meyl etməsinin qarşısını alır ”, - deyə o vurğulayıb. Bundan əvvəl Donald Tramp Rusiya ilə Ukrayna arasında çox yaxında tam atəşkəsə nail olacağına inandırmışdı.
Bu arafa Bloomberg yazıb ki, Birləşmiş Ştatlar Rusiya və Ukrayna arasında atəşkəs haqqında razılığa bir aydan az müddətdə - Pasxa bayramında, aprelin 20-nə qədər nail olmağı hədəfləyir. Eyni zamanda, mənbələrin məlumatına görə, iki tərəfin mövqeləri arasında böyük uçurum olduğu üçün bu tarix dəyişdirilə bilər.
Surxay Əliyev
