“Putin xalqını uzunmüddətli müharibəyə hazırlayır”
Üstəlik, Ukrayna və ABŞ-dan qabaqlayıcı güzəştlər əldə etmək üçün gələcək atəşkəs danışıqlarından istifadə etmək istəyir. Bu barədə Müharibənin Araşdırılması İnstitutunun (ISW) hesabatında deyilir. "Putin kompromis üzərində qurulmuş davamlı sülhdənsə, Ukraynada uzunmüddətli müharibəyə hazırlaşmağı üstün tutur", - deyə amerikalı ekspertlər vurğulayırlar.
Bundan əlavə, Putin birbaşa rus iş adamlarına uzunmüddətli müharibəyə hazırlaşmağı əmr edib. Təhlilçilər qeyd edirlər ki, ötən gün işğalçı ölkənin Təhlükəsizlik Şurasının katibi Sergey Şoyqu Ukrayna hakimiyyətinin qeyri-legitim olduğunu və rəsmi Kiyevin 2022-ci ilin sentyabrında Moskva ilə danışıqları qadağan edən fərmanını ləğv etməli olduğu barədə bəyanat verib. Məqsəd isə Ukrayna - Rusiya danışıqların dayandırılmasını müzakirə etməyə yol açmaqdlr. Şoyqu həmçinin bəyan edib ki, Ukrayna konstitusiyasının “ərazi bütövlüyü” ilə bağlı müddəalarını dəyişməlidir. “Şoyqu çox güman ki, Ukrayna hakimiyyətini konstitusiyada Ukraynanın qanunsuz ilhaqını tanınmasına imkan verəcək dəyişikliklər etməyə çağırır” –deyə ISW qeyd edir.
Kreml rəsmiləri həmçinin Qərbin Ukraynaya dəstəyini kəsmək üçün NATO,ABŞ və Avropa arasında gərginliyi gücləndirməyə çalışır. Bu arada Putinin mətbuat katibi Dmitri Peskov bəyan edib ki, “Avropanın militarizasiya planları” Putin və Trampın Ukraynada sülhə nail olmaq səyləri ilə “açıq şəkildə ziddiyyət təşkil edir” və Avropanı “müharibənin tərəfinə” çevririr.
Xatırladaq ki, daha əvvəl ISW qeyd etmişdi ki, Rusiya prezidenti atəşkəslə bağlı çaşqınlıq yaradır. Belə ki,Putin Ukraynanı sazişin rəsmi şəkildə tətbiqinə qədər pozuntularda ittiham edir – baxmayaraq ki, detallar hələ razılaşdırılmayıb.
Surxay Əliyev
