İsrail gəmilərinə savaş açan Yəmən üsyançıları bir gəmini ələ keçirdi - İsraildən açıqlama gəldi...
Yəmənli üsyançıların Qırmızı dənizdə ələ keçirdikləri “Galaxy Leader” yük gəmisi Böyük Britaniyaya məxsusdur və hazırda Yaponiya şirkətinin icarəsindədir.
“The Times of Israel” İsrail baş nazirinin ofisinə istinadən bildirir ki, gəmi həm də israilli iş adamı Abraham Unqarın mülkiyyətindədir. Ələ keçirilən zaman gəmi Baham adaları bayrağı altında Türkiyədən Hindistana üzürmüş. Gəminin göyərtəsində israillilər olmayıb, 25 nəfərlik beynəlxalq ekipaj Ukrayna, Bolqarıstan, Filippin və Meksika vətəndaşlarından ibarət olub.
Netanyahunun ofisindən vurğulayıblar ki, gəmi “İranın istəyi ilə husilər tərəfindən qaçırılıb və bu insident İranın törətdiyi növbəti terror aktıdır”.
Qeyd edək ki, səhər saatlarında üsyançıların sözçüsü Yəhya Saria İsrail şirkətlərinə məxsus və ya İsrail bayrağı altında üzən bütün gəmilərə hücum edəcəklərini bildirmişdi.
TAHİR
