Nikolas Maduro ABŞ-a meydan oxudu: "Nə blokada, nə sanksiyalar..."
Venesuela Prezidenti Nikolas Maduro "Venezolana de Televisión" telekanalının yayımladığı dövlət neft-qaz şirkəti “Petr leos de Venezuela S.A”nın (PDVSA) işçiləri ilə görüşündə bəyan edib ki, ABŞ-nin Venesuelanın neft-qaz sektoruna qarşı sanksiyaları bərpa etməsinə baxmayaraq, bu sahə inkişaf edəcək.
"Nə blokada, sanksiyalar, nə də lisenziyalar Venesuelanın neft, qaz və neft-kimya sənayesinin istehsalını dayandıra bilər", - Maduro bildirib. O hesab edir ki, Venesuela 7 il ərzində inkişaf edəcək və qlobal enerji bazarında əsas istehsalçılardan birinə çevriləcək. Maduro ABŞ-nin Venesuela neftinə qarşı sanksiyaları yüngülləşdirən 44 saylı Ümumi Lisenziyanı yeniləməmək qərarına toxunaraq, “PDVSA-nın inkişafı, böyüməsi üçün lisenziyalara ehtiyacı yoxdur və heç kim əsas enerji sənayemizin böyüməsini dayandırmayacaq”, - N.Maduro belə deyib.
Mətləb Salahov
