Rusiyada ölüm hökmü bərpa olundu...
Artıq Rusiyada ölüm cəzasının bərpası an məsələsidir. çünki bu məsələ barədə hazırlıqlar da başlayıb. “Bakı-Xəbər” Media Qrupunun rəhbəri, politoloq Aydın Quliyev öz Facebook səhifəsində bu barədə yazıb. A.Quliyev yazır: "Rusiyada ölüm cəzasının bərpası üçün rəsmi hazırlıq başladı. Dumanın sədri Volodin məsələnin hüquqi tərəflərini işləmək üçün işçi qrup yaratdı və Dumanın sədr müavini İrina Yarovanı sədr təyin etdi. Üstəlik ölüm cəzasının bərpasının hüququ mexanizmini də göstərdi. Çox sadə və asan imiş.Siz deməyin, ölüm hökmü Rusiyanın nə konstitusiyası, nə də cinayət qanunvericiliyində ləğv olunmayıbmış, sadəcə ölüm hökmlərinin çıxarılması və icrası dondurulub. Volodin deyib ki, Konstitusiya məhkəməsi qərar verəcək və bununla iş bitəcək, daha doğrusu ölüm hökmlü işlər bitmək yox, yenidən başlayacaq.
" Krokus sity" də terrordan sonra daxildə " qaykaları bərkidən " belə xarakterli addımlar gözlənilirdi..."
Mətləb
