ABŞ Azərbaycanın "Qlobal Metan Vədi"nə qoşulmasını alqışlayır
Azərbaycanın "Qlobal Metan Vədi"nə qoşulmasını alqışlayıram. Bu barədə ABŞ-nin Azərbaycandakı səfiri Mark Libbi "X" sosial şəbəkə paylaşımında deyib.
"Mən Azərbaycanın qlobal istiləşmənin tempini azaltmaq və temperatur artımının 1,5 dərəcə səviyyəsində saxlamaq üçün Qlobal Metan Öhdəliyini imzalamasını alqışlayıram. Azərbaycanın GMP-ə (red."QLobal Metan Vədi") qoşulması metan emissiyalarının kəskin şəkildə azaldılması üzrə qlobal səylərə mühüm təkan verir və iqlim böhranına qarşı mübarizədə ABŞ və digər tərəfdaşlarla əməkdaşlıq üçün yeni platforma yaradır", - deyə səfir bildirib.
Xatırladaq ki, martın 4-də Azərbaycan qlobal metan emissiyalarının azaldılması üzrə dövlətlərin könüllü olaraq öz üzərinə götürdüyü öhdəlikləri nəzərdə tutan "Qlobal Metan Vədi" təşəbbüsünə qoşulduğunu elan edib.
ZÜMRÜD
