Astara polisi orta məktəbdə antinarkomaniya tədbiri keçirdi
Bütün dünyanı narahat edən, bəşəriyyətə sağalmaz ziyan vuran narkomaniyanın yaratdığı ölümcül fəsadlar bizdən də yan ötmür. Ölkənin İranla həmsərhəd olan cənub bölgəsində vəziyyət daha gərgindir.
Ölkəmizdə narkotik vasitələrin qanunsuz dövriyyəsinə qarşı mübarizə dövlətin ciddi nəzarəti altındadır. Narkomanlığın dövlətə və cəmiyyətə vurduğu ziyan hələ ki, səngimir. Məhz buna görə də, əsrin bəlasından uzaq düşmək üçün daha kompleks tədbirlər tələb olunur. Bundan ötrü bu, mübarizədə bütün dövlət orqanlarının və ictimaiyyətinin sıx birliyia indiki zamanda bir zərurət kimi ortaya çıxır. Ən əsası sağlam gələcək naminə vaxt itirmədən narkomaniyaya, eləcə də bəzi zərərli vərdişlərə “yox” demək haminin mənəvi borcu olmalıdır.
Astara Rayon Polis Şöbəsinin təşkilatçılığı ilə rayonun Çayoba kənd tam orta məktəbində “Narkomaniya və erkən nikahlara “yox” deyək!” mövzusunda keçirilən maarifləndirici görüşdə də məqsəd bu gün parta arxasında oturan, gələcəyin qurucuları olan şagirdlərə narkomaniya və digər zərərli vərdişlərin ağır nəticələri barədə məlumat vermək, məktəblilər arasında ağ ölümün cəmiyyətdə yaratdığı sosial bəlalarə, insanların sağlamlığına vurduğu ziyanlarla bağlı təbliğat aparmaq, onları belə neqativ əməllərdən çəkindirmək, gözəl gələcək naminə təhsilə, elmə, idmana olan maraqlarını artırmaqdan ibarət idi.
Astara Rayon Polis Şöbəsinin rəis müavini, polis polkovnik-leytenantı Amil Seyfullayev çıxışında onu da bildirdi ki, mümkün olan bütün vasitələrdən istifadə edərək müasir dövrdə bütövlükdə bəşəriyyət üçün böyük bəlaya çevrilən narkomaniya qarşı birgə mübarizə aparmaq hazırkı dövrdə olduqca vacibdir. Sağlam gəncliyin və etibarlı gələcəyin qurulması baxımından belə tədbirlərin davamlı təşkili müntəzəm xarakter almalıdır.
Həmçinin natiq narkotik vasitələrin qanunsuz dövriyyəsinin qarşısının alınması istiqamətində hüquq-mühafizə orqanlarının atdığı barışmaz və qətiyyətli addımlarla bağlı tədbir iştirakçılarına ətraflı məlumat verdi. Müzakirə edilən mövzu ətrafında çıxışlar dinləndikdən sonra polis polkovnik-leytenantı tərəfindən məktəblilərin sualları cavablandırıldı.
Tədbirə şagird və müəllim kollektivi ilə bərabər valideynlər də qatılmışdı.
Zəfər ORUCOĞLU
Azərbaycan Jurnalistlər Birliyinin
