Vergidə inanılmaz yenilik - kimlər azad ediləcək...
Əkrəm Həsənov: "Hər kəs öz gəlirindən vergi verməlidir"
Azərbaycanda fiziki şəxslərin əmanətləri üzrə ödənilən faiz gəlirləri yenidən vergidən azad ediləcək. Bununla bağlı Vergi Məcəlləsinə dəyişiklik olunması müzakirə edilir.
Belə ki, fiziki şəxslərin hər bir bankda milli valyutada olan əmanətlər üzrə hesablanan aylıq faiz gəlirlərinin 200 manatadək olan hissəsi gəlir vergisindən azad olunacaq. Bu o deməkdir ki, hər bir bankda illik 8 faizədək 30 000 manata qədər əmanəti olan vətəndaşların faiz gəlirlərindən vergi tutulmayacaq.
"Vətəndaşların banklardakı əmanətləri üzrə faiz gəlirlərinin hamısından vergi tutulmayacaq, yəni…"
Bank sahəsi üzrə ekspert Əkrəm Həsənov baki-xeber.com-a şərhində bildirdi ki, hər kəs öz gəlirindən vergi verməlidir: "Niyə digər gəlirlərdən vergi tutulur, amma əmanət üzrə faiz gəlirindən tutulmamalıdır. Bütün gəlirlər hardan gəlir? İşləyirik, zəhmət çəkirik, yaxud evimiz var və s. Əmanət nədir ki? Nə zəhmət çəkir, nə də işləyir. Puldur qoyub banka qazanc əldə edir, havadan pul qazanır. Niyə buradan vergi tutulmamalıdır? Bəziləri səhv başa düşür, deyirlər bank onsuz da vergisini verir. Bank öz mənfəətindən vergi verir. Hər kəs banka pul qoya bilir yox, artıq puldur da. Niyə ondan vergi tutmayaq. Vətəndaşların banklardakı əmanətləri üzrə faiz gəlirlərinin hamısından vergi tutulmayacaq. Yəni 200 manatdan yuxarısından vergi tutulacaq. Uzun illər boyu bank əmanətləri üzrə ödənilən faizlərdən vergi tutulmurdu. Ayrı-ayrı qanunlar var idi, sonra bunu Vergi Məcəlləsinə daxil etdilər. Orda da müddət verdilər. Bu ilin əvvəlində həmin müddət bitdi və bütün əmanətlər üzrdə faizlərdən vergi tutulur. Məsələn, mən banka 10%-lə 10 min manat. İllik 1000 manat gəlir, ondan 10% vergi tutulur. Yəni 100 manat vergiyə getdi, mənə 900 manat qaldı. Bu qanun layihəsi qəbul olunduğu halda 1000 manatlıq faiz gəlirimin 200 manatından vergi tutulmayacaq. Yalnız 800 manatından 10 % vergi tutulacaq, bu da 80 manat edir. Bunu ona görə etdilər ki, il ərzində dəfələrlə bəzilər buna qarşı etiraz edirdi. Deyirdilər ki, əmanət üzrə faizlərdən niyə vergi tuturlar və s. Vergi orqanı da belə bir jest edir".
Günel CƏLİLOVA
