İtaliya neftimizi alır, Ermənistana da silah satır?
İtaliyanın Baş Qərargah rəisi admiral Cüzeppe Kavo Draqone Ermənistanda səfərdədir. Bu barədə Ermənistan Müdafiə Nazirliyi rəsmi açıqlama yayıb. Məlumatda belə deyilir:
“Müdafiə naziri Suren Papikyan Ermənistanda işgüzar səfərdə olan İtaliyanın Baş Qərargah rəisi admiral Cüzeppe Kavo Draqonenin başçılıq etdiyi nümayəndə heyətini qəbul edib. Onlar Ermənistan-İtaliya müdafiə əməkdaşlığını və regional təhlükəsizlik məsələlərini müzakirə ediblər. Müdafiə naziri qarşılıqlı maraq doğuran bir sıra sahələrdə münasibətlərin inkişaf perspektivlərini vurğulayıb və görüş zamanı bir sıra məsələlər barədə razılıq əldə edilib.”
Hə, indi gələk MƏTLƏBƏ. Görəsən İtaliyanın Baş Qərargah rəisinin Ermənistanla razılığa gələcəyi hansı məsələlər var?. Bölgənin “qapazaltı ölkəsi” adını qazanan, heç bir müdafiə sənayesi, hərbi infrastrukturu olmayan, ordusu 44 günlük müharibədə darmadağın edilmiş bir ölkə İtaliya üçün necə cəzbedici ola bilər?. Axı Ermənistanın nəyi İtaliya üçün cəzbedici oldu ki, Baş Qərargah rəisi atlana-atlana durub İrəvana gəlsin və “bir sıra maraqlı məsələlər barədə” razılıq əldə olundu?. Çox güman ki, silah ticarəti. Çünki İtaliyanın Baş Qərargah rəisi İrəvana ticarət və kənd təsərrüfatında əməkdaşlıq üçün gəlməyib. Əlbəttdə SİLAH TİCARƏTİ!
İqtisadi layihələrimizdən yararlanan, neftimizin alıcı olan İtaliyanın düşmən ölkəyə belə “maraq göstərməsi”, gizli hərbi ticarət sövdələşməsi aparması xoşagələn hal deyil. Bütün yollar bəzən Romaya aparmır...
Mətləb Salahov
