Yalançı erməni alimi "Qərbi Azərbaycan" mövzusuna qarşı ideoloji təxribata əl atdı...
Qafar Çaxmaqlı: “Vardan Voskanyan deyir ki, bu ideyanı Azərbaycan ziyalıları dilə gətirib, unudir ki, ideya olaraq Azərbaycan cəmiyyətində hər zaman olub və indi də onlarca Qərbi Azərbaycan təşkilatı var”
İrəvan Dövlət Universitetinin şərqşünaslıq fakültəsinin iranşünaslıq kafedrasının müdiri kimi təqdim edilən Vardan Voskanyan yenə də təxribat maşınını işə salıb sağa-sola yalan yaymaqla məşğuldur.
Psevdoşərqşünas bütün tarixi faktları təhrif edir və öz cəfəng iddiaları ilə Qərbi Azərbaycan məsələsini qaralamağa çalışır.
Voskanyan elə danışır ki, guya Azərbaycan və Türkiyə Ermənistana qarşı hansısa ərazi iddiasındadır.
Qərbi Azərbaycan məsələsini “cəfəngiyat” adlandıran psevdoşərqşünas iddia edir ki, guya Türkiyə tərəfi 44 günlük müharibə ərəfəsində universitet professorunun rəhbərliyi altında “əlavə fəallıq” göstərməyə başlayıb.
Voskanyan siyasi elmlər üzrə fəlsəfə doktoru, Türkiyənin Erciyes Universitetində ermənişünaslıq bölümü başqanı, Azərbaycan-erməni Araşdırmaları Mərkəzinin rəhbəri, professor Qafar Çaxmaqlının rəhbərlik etdiyi İrəvan Türk Cumhuriyyətinə də ləkə atmağa çalışır. Belə rəy formalaşdırmaq istəyir ki, guya Qərbi Azərbaycan məsələsi ziyalıların təşəbbüsü ilə ortaya gəlib, guya Azərbaycan cəmiyyətinin bundan xəbəri yoxdur. O, həmçinin, Rizvan Talıbovun vaxtilə yaratdığı “Göyçə-Zəngəzur Respublikası”na da öz aləmində münasibət bildirib. Voskanyan iddia edir ki, guya bu təşkilatlar hamısı Türkiyənin istəyi ilə yaradılıb. Təbii, Voskanyan dünyadan xəbərsizdir. Bəyəm bilmir ki, Qərbi Azərbaycan məsələsi tamamilə Azərbaycanla bağlıdır? Həm bu təşkilatların, həm də vaxtilə Azərbaycan Qaçqınlar Cəmiyyətinin yaradılması birbaşa Qərbi azərbaycanlıların Ermənistan tərəfindən pozulan hüquqlarının bərpası və onların öz doğma torpaqlarına qayıdışının təmin edilməsi istiqaməti ilə bağlı olub. Bu gün Azərbaycan Qaçqınlar Cəmiyyəti olmasa da, bu haqlı prosesdə Qərbi Azərbaycan İcması yaxından iştirak edir və Qərbi azərbaycanlıların geri qayıdəşı üçün bütün mümkün adımları atır.
Digər tərəfdən, yüksək səviyyədə olan Azərbaycan-Türkiyə qardaşlığına da Voskanyan ermənisayaq yanaşır və olmayan “qarşıdurmadan” danışır. Əlbəttə, üzdəniraq alimin dedikləri və yazdıqları təxrubatdan başqa bir şey deyil və bu heç zaman Qərbi azərbaycanlıların öz tarixi yurdlarına qayıdışının qarşısını ala bilməyəcək. Qərbi azərbaycanlıların öz ata ocaqlarına qayıtmasını Azərbaycan qədər Türkiyə də istəyir, çünki soydaşlarımızın hüquqlarının bərpa edilməsi, onların qyaıdış hüquqlarının təminatı bizim üçün çox vacibdir, prinsipial bir məsələdir. Odur ki, Voskanyan kimilərinin ideoloji təxribatları ayaq tutub yeriyə bilməyəcək.
“Erməni siyasət adamları, politoloqlar, o cümlədən "iranist" Vardan Voskanyan bunları yaxşı bilir”
V.Voskanyanın qeyri-ciddi və əsassız iddialarına münasibət bildirən siyasi elmlər üzrə fəlsəfə doktoru, Türkiyənin Erciyes Universitetində ermənişünaslıq bölümü başqanı, Azərbaycan-erməni Araşdırmaları Mərkəzinin rəhbəri, professor Qafar Çaxmaqlı “Bakı-Xəbər”ə “Ermənistanda rəsmi və qeyri-rəsmi səviyyədə Qərbi Azərbaycan türklərinin geri dönüşü məsələsi müzakirə edilməkdədir. Ermənilər əhalimizin geri dönüşü kimi beynəlxalq haqqına qarşı ortaya atdıqları "arqumentlər"in heç biri əsaslı deyil və böhtan atmaq yolu seçirlər. Bu faktdan qaçmaq mümkün deyil ki, bu ərazi tarixi Azərbaycan torpaqlarıdır və 1918-ci ildə onun 9 min kvadrat kilometrlik hissəsində tarixi ədalətsizlik nəticəsində Ermənistan Respublikası elan olunub. Sonrakı illərdə bu ərazi Azərbaycanın Zəngəzur, Göyçə, Dərələyəz, Zəngibasar, Vedi mahallarının ərazisi hesabına genişləndirilib. Erməni siyasət adamları, politoloqlar , o cümlədən "iranist" Vardan Voskanyan bunları yaxşı bilir. Azərbaycanın Qərbi Azərbaycanla bağlı siyasi həmləsi onları çaş- baş salıb... Vardan Voskanyan deyir ki, bu ideyanı Azərbaycan ziyalıları dilə gətirib, unudir ki ideya olaraq Azərbaycan cəmiyyətində hər zaman olub və indi də onlarca Qərbi Azərbaycan təşkilatı var” - deyə bildirdi.
Q.Çaxmaqlının sözlərinə görə, bu təşkilatların isə tək bir amalı var: tarixi vətənə qovuşmaq. “2020-ci ildə mənim rəhbərliyimlə elan olunan İrəvan Türk Cümhuriyyəti Ermənistanı bir dövlət kimi tanımır və indi anlaşılır ki, regionumuzda belə bir terrorçu dövlətin mövcudluğu bölgəyə qeyri-sabitlik, müharibələr, ölüm-qandan başqa bir şey vermir...
Qərbi Azərbaycanlıların tarixi vətənlərinə geri dönüşü məsələsinin Ermənistan -Azərbaycan sülh danışıqları prosesinə daxil edilməsi, açıqdır ki, erməniləri qorxudur. Ona görə Voskanyan kimi adamların belə yazıları ortaya çıxır” - deyə Q.Çaxmaqlı əlavə etdi.
İradə SARIYEVA
