Priqojinin müəmmalı ölümündə sirr pərdəsi aralanır… Sui-qəsdə birbaşa Putinin sağ əli rəhbərlik edib - ŞOK İDDİA…
Rusiya prezidenti Vladimir Putinə qarşı çevriliş cəhdi ilə gündəmə gələn muzdlu “Vaqner” qrupunun qurucusu Yevgeni Priqojin dövlət çevrilişi cəhdinin qarşısının alınmasından 2 ay sonra, avqustun 23-də Rusiyanın Tver vilayətində şəxsi təyyarəsinin qəzaya uğraması nəticəsində dünyasını dəyişib. Həmin vaxt Priqojinin ölümü ilə bağlı bir çox sui-qəsd nəzəriyyələri irəli sürülmüşdü.
Bu arada ABŞ-ın “The Wall Street Journal” (WSJ) qəzeti yeni bir iddia irəli sürüb. WSJ-nin məlumatına görə, Priqojinin və onunla birlikdə olan 9 nəfərin ölümü Rusiya prezidenti Vladimir Putinin “sağ əli” Nikolay Patruşev tərəfindən təşkil edilib.
Qəzet Qərb kəşfiyyatçılarına istinadən yazır ki, təyyarə qəzasından aylar əvvəl ölkənin hərbi hakimiyyət orqanlarına qarşı “silahlı üsyana” cəhd edən Rusiya kəşfiyyatının keçmiş rəsmisi Priqojin və onu müşayiət edən doqquz nəfər Sankt-Peterburqa getmək üçün mindiyi təyyarənin qanadının altına kiçik partlayıcı yerləşdirilib. Bomba partlamadan əvvəl təyyarə təxminən 30 dəqiqə ərzində 28.000 fut yüksəkliyə qalxıb. Priqojin, onun dörd cangüdəni, üç ekipaj üzvü və yüksək vəzifəli Vaqner üzvləri də daxil olmaqla, təyyarədəki 10 nəfər partlayıcının işə düşməsi nəicəsində ölüb.
WSJ-nin Qərb kəşfiyyat mənbələrinə və keçmiş rus kəşfiyyatçıya istinadən bildirir ki, Priqojinin təyyarəsi sui-qəsd nəticəsində qəzaya uğrayıb və əməliyyata şəxsən Rusiya Təhlükəsizlik Şurasının sədri Nikolay Patruşev rəhbərlik edib.
Qəzet yazır ki, Patruşev qəzadan uzun müddət Moskvanın Ukraynada “Vaqner”ə güvənməsinin “Priqojinə həddən artıq siyasi və hərbi güc verdiyini” və bu təsirin Kremli getdikcə daha çox təhdid etdiyi barədə xəbərdarlıq edib. 72 yaşlı Patruşev Rusiya prezidentinin yaxın çevrəsində ən nüfuzlu simalardan biri kimi tanınır. Hər ikisi KQB agenti olduqları vaxtdan bir-birlərini tanıyırlar. İddia olunur ki, Patruşev yaxın dostu Putinə “Vaqner” muzdlu qruplaşması ilə bağlı dəfələrlə xəbərdarlıq edib və paralel orduya sahib olmağın səhv olduğunu deyib.
İddialara münasibət bildirən Kremlin sözçüsü Dmitri Peskov isə, "Təəssüf ki, “Wall Street Journal” son vaxtlar ucuz bədii ədəbiyyat hazırlamağı sevir" deyib.
Putin Priqojinin ölümündən sonra verdiyi açıqlamada təyyarə qəzasının qalıqları arasında əl qumbarası hissələrinin tapıldığını bildirərək, şəxsi təyyarədəki “Vaqner” üzvlərinin sərxoş və ya narkotikin təsiri altında ola biləcəyini və təsadüfən əl qumbarasını partlatmış ola biləcəyini iddia etmişdi.
TAHİR
