"Quran"da Məryəm niyə fidana bənzədildi? - İlin 19-cu gününə sözardı
“İnsan Mənim sirrimdir, Mən də insanın sirriyəm!” (Allah-təala)
Əvvəlki yazılarımızdan da gördüyünüz kimi, “Quran”ın surə və ayələrinin düzülüşü təsadüfü olmayıb, xüsusi bir qanunauyğunluğa tabedir. Bu yazımızda 19 ədədindən və onun hkmətlərindən bəhs edəcəyik.
Hesablamalarımız göstərir ki, 19-cu ayə “Quran”da 82 dəfə keçir (yəni, müqəddəs kitabın cəmi səksən iki surəsində 19-cu ayə var; qalan surələrdə ayələrin sayı 19-dan azdır). Burada diqqət çəkən məqamlardan biri də budur ki, 82-ci (!) surə də 19 ayədir.
“Quran”ın rəmzi (kodu) olan 114 ədədi cəmi üç rəqəmə bölünür ki, onlardan da biri 19-dur.
Maraqlıdır ki, müqəddəs kitabda 114 surədən də cəmi üçü (82; 87 və 96-cı surələr) 19 ayədən ibarətdir.
19 ədədində diqqət çəkən digər məqam onun elmə və yradılışa bağlı olmasıdır. Belə ki, “Quran”ın ilk nazil olan surəsi (“Laxtalanmış qan”) 19 ayədən ibarət olmaqla, insana oxumağı əmr edir:
“(Məxluqatı) yoxdan yaradan Rəbbinin adı ilə oxu!
O, insanı laxtalanmış qandan yaratdı.
Oxu! Sənin Rəbbin ən böyük kərəm sahibidir!
O Rəbbin ki, qələmlə yazmağı öyrətdi. İnsana bilmədiklərini öyrətdi”. “Laxtalanmış qan” surəsi, 1-5-ci ayələr.
Göründüyü kimi, nazil olan ilk vəhy oxumağın, yaradılışı dərk etməyin vacibliyini anladır oxucuya. Həm də 19 ədədi altında anladır bunları. Bildiyimiz kimi, artıq biologiya elmi insanın (dölün) ana bətnində yaranış prosesinin laxtalanmış qandan başladığını təsdiq etmişdir.
Yeri gəlmişkən, yaradılış (çoxalma) iki cürdür: toxumla və tozlanma ilə çoxalma.
Birinci hal insanlarda və heyvanlarda, ikinci hal isə, bitkilərdə müşahidə edilməkdədir.
Lakin, İsa Peyğəmbərin yaradılışı istisnalıq təşkil edir. Belə ki, o, yeganə bəşərdir ki, tozlanma (üfürmə) yolu ilə yaranmışdır. Burada diqqət çəkən ən maraqlı məqam isə, həmin hadisənin 19-cu (!) surədə (“Məryəm”) xəbər verilməsidir.
Həzrət Məryəmin yaranması haqda Allah-təala buyurur:
“Belə olduqda, Rəbbi (Məryəmi) yaxşı qəbul etdi, onu gözəl bir fidan (bitki) kimi böyütdü...”. “Quran”, 3:37
Burada Məryəmin fidana ("nabatə") bənzədilməsi gələcəkdə onun bitkilərdə olduğu kimi (tozlanma üsulu ilə) İsaya hamilə qalmasına işarə verir.
Qurani-Kərimin 19-cu sursinin 19-cu (!) ayəsində Allah-təala buyurur:
“(Cəbrail:) “Mən sənə ancaq təmiz (məsum) bir oğlan bağışlamaq üçün Rəbbinin göndərdiyi elçisiyəm!” – dedi”.
(Məryəm) dedi: “Mənim necə oğlum ola bilər ki, mənə indiyədək bir insan əli belə toxunmamışdır. Mən zinakar da deyiləm!”
(Cəbrail) dedi: “Elədir, lakin Rəbbin buyurdu ki, bu Mənim üçün asandır. Biz onu insanlar üçün (qüdrətimizə dəlalət edən) bir möcüzə, (sənə və möminlərə isə) dərgahımızdan bir mərhəmət olaraq edəcəyik. Bu, əzəldən təqdir olunmuş bir hökmdür!”
(Məryəm) artıq (Cəbrailin üfürməsi ilə İsaya) hamilə oldu və onunla (bətnindəki uşaqla) birlikdə uzaq bir yerə (xəlvətə) çəkildi...”. “Məryəm” surəsi, 19-20-21-ci ayələr.
Ayələrdən göründüyü kimi, Məryəm küləklə (üfürməklə) hamilə qaldı ki, bu da bitkilərin küləklə (tozlanma yolu ilə) çoxalma prosesi üst-üstə düşür. Buradan aydın olur ki, Quranda Məryəmin bitkiyə bənzədilməsi heç də təsadüfi deyilmiş.
Araşdırmalarımız göstərir ki, “Quran”da 13 dəfə torpaq, 32 dəfə su (dəniz) sözləri keçir. Bunu nəzərə alıb, bu ədədləri cəmləyək:
13 + 32 = 45
Alınan 45 ədədinin sirrini tapmaq üçün belə bir hesablama aparaq:
13 : 45 = - 28,9 (29)
32 : 45 = -71,1 (71)
Qeyd edim ki, buradakı 28,9 ədədi Yerin quru, 71 ədədi isə, su hissəsinə işarə verir (xatırladım ki, insanın anatomik quruluşunda da quru maddə ilə mayenin nisbəti eyni - 71-in 29-a nisbətindədir).
71 ədədi həm də Qurani-Kərimin “Nuh” surəsinin sıra nömrəsi - rəmzidir. Nuh sözünun əbcəd hesabı 64-dür. Surə özü 28 ayədən ibarətdir ki, yuxarıdakı hesablamada özünü büruzə verdi.
İndi isə, oxucuların diqqətini başqa bir məqama cəlb etmək istəyirəm. Belə ki, “Quran”da 23 dəfə qadın, 23 dəfə isə, kişi sözləri keçir. Bu da təsadüfü deyildir. Belə ki, bunları topladıqda 46 ədədi alınır.
Maraqlıdır ki, hər bir insanda xromosomların sayının 46 (!) olduğunu elm artıq təsdiq etmişdir:
Kişilərdə 46 (XY);
Qadınlarda 46 (XX).
Beləliklə, dəniz və torpaq sözlərinin cəmi olan 45 ədədindən, Quranda keçən kişi və qadın sözlərinin sayını (23) çıxaq:
45 - 23 = 22
Elm təsdiq etmişdir ki, kişilərdə 46 xromosom (mayoz) sırasında 22 (!) cüt biri-birlərinə bənzərdirlər (eşdirlər).
“Nuh” surəsinin 17-ci ayəsində Yaradan buyurur:
“Və Allah sizi (atanız Adəmi) yerdən (torpaqdan) bir bitki kimi göyərtdi”.
Maraqlıdır ki, yaradılışdan bəhs edən bu ayənin də hərflərinin sayı orjinalda (ərəbcədə) kişi və qadın xromosomlarının sayı qədərdir - yəni, 23-dür.
Elmi-lədun araşdırmalarımız göstərir ki, İsa əleyhissəlamın yaranış prosesi ilə, bitkilərin tozlanma yoluyla çoxalma prosesi bənzərdir.
Belə ki, bitkilərdə çiçəyin rolu tozlanma yolu ilə çoxalmanı təmin etməkdən ibarətdir. Bir erkək çiçəyin orqanından sərbəst qalan polenlərin, digər dişi çiçəyin orqanının təpəciyinə çatması və burada yeni bir bitki toxumlarının yaranması hadisəsidir. Polenlərin daşınması (tozlanma) küləklə, arılar və böcəklərlə baş tutur.
Dr. Paşa Yaqub
elmi-lədun bilicisi
