“Ermənistanın qeyri-ardıcıl hərəkətləri nəticəsində sülhlə bağlı irəliləyiş olmur” - Ceyhun Bayramov
Əfsuslar olsun ki, Ermənistanın qeyri-ardıcıl, bir-birini inkar edən hərəkətləri nəticəsində sülhlə bağlı irəliləyiş olmur. Bu barədə Azərbaycan xarici işlər naziri Ceyhun Bayramov Almaniya xarici işlər naziri Annalena Berbok ilə birgə mətbuat konfransı çıxışında deyib.
“Ermənistanın dəstəklədiyi qanunsuz rejim, Ermənistanın 10 minə yaxın hərbiçisinin olduğu birləşmələrin torpaqlarımızdan çıxarılmaması, separatizmin təşviqi təhlükə yaradırdı. Azərbaycan öz milli təhlükəsizliyinə təhdid olan təhlükəni aradan qaldırdı. Azərbaycan beynəlxalq və humanitar hüququ gözləyərək lokal antiterror tədbirləri keçirib. Bunu BMT missiyası da təsdiq edib. Bunu həmin vaxt Ermənistan Baş naziri də təsdiq etmişdi. Təəssüf ki, sonradan Ermənistan Baş naziri bunu inkar etdi”, - deyə nazir bildirib.
Nazir deyib ki, Azərbaycan hesab edir ki, Ermənistan-Azərbaycan münasibətlərinin normallaşmasının alternativi yoxdur.
“Şərtlər qəbul edildikdən sonra, bu dialoqu davam etdirməyə hazırıq”,- deyə nazir əlavə edib.
“Dünya gördü ki, məsuliyyətli dövlət ərazi bütövlüyünü bərpa edəndə şəffaf məlumatları beynəlxalq ictimayyətə təqdim edir” deyən nazir bildirib ki, Azərbaycan təhlükəsizliyinə təhdidi aradan götürərək bölgənin inkişafına şərait yaradıb.
“Yerli erməni əhalinin kütləvi oranı tərk etməsinin səbəbi separatçı rejimin dırnaqarası liderlərinin fəaliyyəti olduğu nəzərə çatdırılıb. Xalqlar arasında irqçilik aşılayan bu insanlar fəaliyətlərini antirettor tədbirlərindən sonra da davam etiriblər, Azərbaycanın təqdim etdiyi reinteqrasiya tədbirlərini yerli ictimaiyətə açıqlamayıb.
Ermənistanın da bu məsələdə böyük məsuliyyəti var. Qarabağda qalmaq istəyən insanların Ermənistanda təzyiq hədəfi seçilməsi də göz önündə idi”,- deyə nazir qeyd edib.
C.Bayramov bildirib ki, antiterror tədbirləri nəticəsində Azərbaycanın suverenliyini tam bərpa etdiyi ərazilərdə qanunsuz qondarma rejim Ermənistanın dəstəyi ilə 480 km ərazini yeni təmas xətti fəlsəfəsi ilə minalayıb.
“Burada problemin tam həcmini öyrənmək üçün vaxt lazım olacaq. Bütün bu faktlara baxmayaraq, beynəlxalq ictimaiyyət tərəfindən bir dəfə də olsun Ermənistana çağırış edilməsinin şahidi olmadıq. Bunun nəyə görə belə olması suallar doğurur”,- nazir əlavə edib.
