Azərbaycan ailəsində braziliyalı dayələrə və aşpazlara üstünlük(?) verilir...
Fatimə Hacıbəyli: "Bu dayələr də həmin uşaqlara öz mədəniyyətlərini və dillərini təbliğ edirlər"
Ana və atanın sevgi dolu nəvazişi, uşaqla danışması, ünsiyyət qurması uşağın inkişafında ən önəmli faktorlardandır. Təəssüf ki, çalışmaq məcburiyyətində qalan və ya karyera arxasınca gedən analar uşaqları ilə çox vaxt keçirə bilmir. Bu səbəbdən həmin uşaqlar günlərini daha çox dayə ilə keçirir.
Azərbaycanda son vaxtlar valideynlər övladlarının tərbiyəsi ilə məşğul olan şəxslərə xarici dil biliyinin olması tələbi qoyurlar. Elan saytlarında dayə axtaran valideynlərin bəzisi rusdilli, ingilisdilli dayələrə üstünlük verəcəklərini qeyd edir. Bəzi elanlarda isə dayənin başqa millətdən və ya xarici ölkə vətəndaşı olması şərti də qoyulur. Xüsusilə də bu sahədə Braziliyadan gələn dayələrə üstünlük verilir.
Bu hal aşpazlıqda da müşahidə olunur. Belə ki, evlərdə bəzi ölkələrdən, xüsusilə də İtaliyadan gələn aşpazlara rast gəlmək mümkündür. Bir sıra şəxslər evində xarici aşpazın çalışmasına üstünlük verir.
Maraqlıdır, azərbaycanlıların evində əcnəbi dayə və əcnəbi aşpazların olmasının gələcəkdə nə kimi təsiri ola bilər? Bu hal milli-mənəvi dəyərlərin məhv olmasına səbəb ola bilərmi?
"Bu bizim milli-mənəvi dəyələrimiz ziddir və həmin uşaqlar böyüyəndə öz ana dillərində danışa bilmirlər"
Sosioloq Fatimə Hacıbəyli "Bakı-Xəbər"ə şərhində bildirdi ki, bəzi elitar ailələr uşaqlarının tərbiyəsi, evində əcnəbi yeməklərin bişməsi üçün xaricdən aşpaz və dayə gətizdirirlər. Bu gün Azərbaycana Filippindən, İngiltərədən, Koreyadan və digər ölkələrdən dayələr gətirilir: "Bu dayələr də həmin uşaqlara öz mədəniyyətlərini və dillərini təbliğ edirlər. Hətta onlar baxdıqları uşaqlara Azərbaycan dilində danışmağı qadağan edirlər. Bu isə bizim milli- mənəvi dəyələrimizə ziddir və həmin uşaqlar böyüyəndə öz ana dillərində danışa bilmirlər. Odur ki, bu olduqca təhlükəli tendensiyadır və bunun qarşısı vaxtında alınmalıdır.
Həmçinin, azərbaycanlı oliqarxların xarici aşpaz və dayələrə üstünlük vermələrinin səbəbi onların ingilisdilli olmasıdır. Ancaq zəngin ailələrin xarici aşpaz və dayə seçmələrinin başqa səbəbləri də var. Məsələn, onların Azərbaycanda heç bir çevrəsinin olmaması, təhlükəsizlik baxımından arzuedilən şəxs olmaları, ailə sirlərinin kənara çıxma ehtimalının azlığı və s. Başqa sözlə, xaricdən gətirilən dayələr işlədikləri ailənin sirrini, lüks yaşayış səviyyəsini, həyat tərzini danışmağa kimsə tapa bilmirlər. Çünki onlar yalnız çalışdıqları evdə olanlarla ünsiyyət qururlar".
Günel CƏLİLOVA
%20verilir...%22%2C%22image%22%3A%22https%3A%2F%2Fwww.baki-xeber.com%2Fmedia%2Fuploads%2Fposts%2F2024-12%2Fdaye.webp%3Fv%3D1734078376%22%2C%22iframe_v2%22%3Afalse%2C%22iframe_v3%22%3Afalse%2C%22t%22%3A0%2C%22cg%22%3A%7B%22isPrivate%22%3Afalse%2C%22browserName%22%3A%22Chromium%22%7D%7D%2C%22config%22%3A%7B%22page_url%22%3A%22https%3A%2F%2Fwww.baki-xeber.com%2Fsosial%2F222586.html%22%2C%22referrer%22%3A%22%22%2C%22user_id%22%3A%2214c90477-7fcd-4ffe-ba0a-d59cd8eb8e16%22%2C%22iframe_user_id%22%3Atrue%7D%7D&cb=0.3966857076513044){kind=spacer}