Dəməşqdə hərc-mərclikdir -səflirk atəşə tutulub
Suriyanın paytaxtı Dəməşqdə hərc-mərclik hökm sürür. Paytaxtdakı silahlı qruplaşmalar bir sıra ölkələrin səfirliklərini atəşə tutur, diplomatları hədələyirlər. İndoneziya səfirliyi də yenicə atəşə tutulub. Bu barədə İndoneziyanın Xarici İşlər Nazirliyinin Vətəndaşların müdafiəsi məsələləri üzrə Departamentinin direktoru Cudha Nuqraha deyib.
“Hadisə zamanı heç bir İndoneziya vətəndaşı xəsarət almayıb”, - nazirlik rəsmisi bəyan edib.
Onun sözlərinə görə, atəş təsadüfən açılıb. Hazırda Suriyada mindən çox indoneziyalı yaşayır, onlardan 19-u sığınacaq almaq üçün səfirliyə müraciət edib. Səfirlik Suriyada qarşıdurmanın artması fonunda ən yüksək həyəcan səviyyəsi elan edib. İndoneziyalılara ərəb ölkəsinə səfərlərdən çəkinmək tövsiyə olunur.
Mətləb
