Sumqayıtda binada dəhşətli partlayış - dağıntılar altında qalan 6 nəfər xilas edildi...
Sumqayıt şəhəri, 13-cü mikrorayon ərazisində beşmərtəbəli yaşayış binasında mənzildə baş vermiş partlayışla əlaqədar Fövqəladə Hallar Nazirliyinin qüvvələri tərəfindən axtarış-xilasetmə əməliyyatı sona çatdırılıb.
Bu barədə Fövqəladə Hallar Nazirliyindən məlumat verilib.
Ümumilikdə, partlayış nəticəsində 6 nəfər xilas edilib.
Bundan əvvəl TƏBİB-dən bildirilib ki, hadisə nəticəsində 3 nəfər xəsarət alıb (2 kişi cinsli, 1 qadın cinsli). Onlar Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub. 1977, 2007 və 2010-cu il təvəllüdlü şəxslər ağır yanıq xəsarətləri ilə Reanimasiya şöbəsinə yerləşdirilib. Hazırda 1 nəfərin vəziyyəti ağır, digərlərinin vəziyyəti isə orta ağırdır.
ZÜMRÜD
