KÖHNƏ VERSİYA            

Prezident İlham Əliyev Serbiya-Bolqarıstan Qaz İnterkonnektorunun açılış mərasimində iştirak edib - FOTO/YENİLƏNDİ

Image

Dekabrın 10-da Serbiyanın Niş şəhərində Serbiya-Bolqarıstan Qaz İnterkonnektorunun açılış mərasimi keçirilib.

Azərbaycan Respublikasının Prezidenti İlham Əliyev, Serbiya Respublikasının Prezidenti Aleksandar Vuçiç və Bolqarıstan Respublikasının Prezidenti Rumen Radev mərasimdə iştirak ediblər.

Əvvəlcə Serbiya-Bolqarıstan Qaz İnterkonnektorunun texniki göstəricilərindən və layihənin əhəmiyyətindən bəhs edən videoçarx nümayiş etdirildi.

Mərasim iştirakçılarını salamlayan Serbiya Respublikasının Prezidenti Aleksandar Vuçiç dedi:

- Əziz Prezident Əliyev, hörmətli Prezident Radev, mən bu gün çıxış edə bilməyəcəyəm. Bizim ölkədə qəribə qanunlar qəbul olunub ki, sən öz ölkəndə nə isə etmisənsə, seçkilərdən bir ay öncə artıq bu layihələri tərifləyə və ölkəni daha da inkişaf etdirmək üçün danışa bilməzsən.

Sizə “Xoş gəlmisiniz” deyirəm və Serbiyada olduğunuz üçün sonsuz təşəkkürümü bildirirəm. Mən bizim enerji nazirimizdən xahiş edəcəyəm ki, o çıxış etsin. O, bizim partiyanın üzvü deyil və seçkilərdə, siyahılarda adı yoxdur. Bizim avropalı qonaqlar bu günlük bağışlasınlar. Mən bütün həmin qanunlara hörmət edəcəyəm. Narahat olmayın, həmin qanunlara baxmayaraq, biz qələbə qazanacağıq. Bu, böyük qələbə olacaq və bizim hamımızın birgə qələbəsi olacaq. Buna görə çox sağ olun.

X X X

Sonra layihə barədə məlumat verən Serbiyanın mədən və energetika naziri xanım Dubravka Djedoviç Handanoviç dedi:

-Bu layihə uzun illər bundan əvvəl planlaşdırılırdı. Onun həyata keçirilməsi çox uzun çəkdi və biz cəmi bir ildə işi tamamlamağa müvəffəq olduq. Biz qaz nəqli ilə bağlı Azərbaycandan olan dostlarımızla qısa zamanda razılığa gəldik. Əməkdaşlığa görə Azərbaycana, ilk növbədə, minnətdarlığımı bildirmək istəyirəm.

Mən, eyni zamanda, Prezident Əliyevə, Azərbaycandan olan həmkarlarımıza və bizimlə birgə gərgin çalışmış hər kəsə minnətdarlığımı bildirmək istərdim.

Mən qonşularımızla, eləcə də Azərbaycanla daha yaxşı əlaqələrin qurulması istiqamətində göstərdiyi səylərə görə Serbiya Prezidentinə minnətdarlığımı bildirirəm. Azərbaycan sərhəd baxımından bizim qonşumuz olmasa da, sözsüz ki, o, bizim qəlbimizdə xüsusi yeri olan dostumuzdur.

X X X

Dövlətimizin başçısı mərasimdə çıxış etdi.

Prezident İlham Əliyevin çıxışı

- Hörmətli cənab Prezident Vuçiç, hörmətli cənab Prezident Radev, hörmətli xanım nazir, xanımlar və cənablar!

İlk növbədə, dəvətə və qonaqpərvərliyə görə dostum Aleksandara təşəkkürümü bildirmək istəyirəm. Yenidən gözəl ölkənizdə olmağımdan çox məmnunam. Bildirməliyəm ki, mən keçən il Serbiyaya rəsmi səfər etmişdim. Ondan bir ay sonra Prezident Vuçiç Azərbaycana səfər etmişdir. Bu gün yenə də sizin gözəl ölkənizdəyəm. Bu, bir daha onu göstərir ki, Serbiya-Azərbaycan əlaqələri sürətlə və dinamik şəkildə inkişaf edir. Biz strateji tərəfdaşıq, çünki strateji tərəfdaşlıq haqqında Bəyannamə imzalanmışdır və sözdə, sənəddə və əməldə bu yüksək statusa sadiqliyimizi göstəririk.

Əfsuslar olsun ki, Prezident Vuçiçə bu gün rəsmi tədbirdə çıxış etmək üçün müəyyən məhdudiyyətlər tətbiq edilib, onun qeyd etdiyi kimi, qəbul edilmiş qanuna görə. Ancaq buna baxmayaraq, bizim söhbət etmək üçün imkanımız olacaq. Sadəcə olaraq, onu bildirmək istəyirəm ki, bizim Aleksandarla şəxsi dostluq münasibətlərimiz böyük dərəcədə Serbiya-Azərbaycan əlaqələrinin inkişafına xidmət etmişdir. O, ölkəsi üçün çox böyük işlər görür. Onun liderliyi ilə Serbiya uğurla inkişaf edir, müstəqil siyasət aparır. O siyasət ki, Serbiya xalqının və dövlətinin maraqlarına cavab verir. Biz də dostları kimi onun uğurlarına həmişə sevinirik və əməli addımlarla, konkret işlərlə ikitərəfli gündəliyimizi genişləndiririk.

Əminəm ki, bugünkü tədbir və açılışdan sonra interkonnektorun fəaliyyəti Serbiyanın sənaye inkişafına böyük töhfə verəcəkdir. Mən bilirəm ki, Prezident Vuçiçin ölkəsinin sənaye potensialının inkişafı ilə bağlı çox genişmiqyaslı planları var. O planların böyük hissəsi həyata keçirilib. Gələcək planların həyata keçirilməsi üçün əlbəttə, enerji resursları lazımdır və şaxələndirilmiş təchizat şəbəkəsi də təbii ki, qurulmalıdır.

Eyni sözləri dostum, Prezident Radev haqqında da deyə bilərəm. Bolqarıstanla da bizi strateji tərəfdaşlıq Sazişi bağlayır. Bu il mən Bolqarıstana və Prezident Radev Azərbaycana səfərlər etmişik. Bu da onu göstərir ki, münasibətlərimiz çox dinamikdir, dostluq və strateji tərəfdaşlıq üzərində qurulub.

Yəni deyə bilərəm ki, bugünkü mərasim dostluq mərasimidir, strateji tərəfdaşlıq mərasimidir. Əlbəttə ki, hər iki prezidenti bugünkü açılış münasibətilə ürəkdən təbrik etmək istəyirəm. Bu, Serbiya və Bolqarıstanın enerji təhlükəsizliyinə böyük töhfə verə biləcək layihədir. Eyni zamanda, Azərbaycan xalqını təbrik etmək istəyirəm. Çünki Azərbaycanın qaz ixracı coğrafiyası daha da genişlənir. Hazırda biz təbii qazımızı səkkiz ölkəyə ixrac edirik, Serbiya doqquzuncu ölkədir. Bu doqquz ölkənin yeddisi Avropa ölkəsidir və təbii ki, bugünkü mərasim - interkonnektorun fəaliyyətə başlaması Avropanın enerji təhlükəsizliyinə də önəmli töhfə verəcəkdir.

Bildirməliyəm ki, keçən il Avropa İttifaqı ilə Azərbaycan arasında enerji sahəsində strateji tərəfdaşlıq üzrə Anlaşma Memorandumu imzalanmışdır və bu memorandum icra edilir. Bu memoranduma görə, Azərbaycan 2027-ci ilə qədər Avropaya göndərilən qazın həcmini iki dəfə artırmalıdır. Artıq rəqəmlər onu göstərir ki, biz inamla bu hədəfə doğru gedirik. 2021-ci ildə bizim Avropa məkanına qaz ixracımız 8 milyard kubmetrdən bir qədər çox olmuşdursa, bu il bu, təxminən 12 milyard kubmetrə çatacaq. Bu da Azərbaycanın ümumi qaz ixracının 50 faizini təşkil edir.

Bizim çox genişmiqyaslı başqa planlarımız var. Azərbaycanın bütövlükdə enerji strategiyası uğurla icra edilir. Bizim tərəfimizdən irəli sürülmüş və icra edilmiş layihələr Avropanın və Asiyanın - Avrasiyanın enerji xəritəsini böyük dərəcədə yenidən tərtib etmişdir. Bakı-Tbilisi-Ceyhan, Bakı-Supsa neft kəmərləri bu gün Azərbaycan neftini Aralıq dənizinin və Qara dənizin bazarlarına çatdırır. Cənub Qaz Dəhlizi - uzunluğu 3500 kilometr olan nəhəng infrastruktur layihəsi Avropanın enerji təhlükəsizliyinə çox böyük töhfə verir. Təsadüfi deyil ki, Avropa Komissiyası, onun yüksəkvəzifəli şəxsləri Azərbaycanı etibarlı tərəfdaş və Pan-Avropa qaz təchizatçısı kimi dəyərləndirirlər. Onu da bildirməliyəm ki, - bu sözləri əminəm ki, dostum Rumen də təsdiq edə bilər, - bizim Bolqarıstana qaz təchizatımız iki il bundan əvvəl başlamışdır. 2021-ci ildə 270 milyon kubmetr qaz təchiz edilmişdir. Keçən il 500 milyon kubmetrdən bir qədər çox. Bu il isə bu rəqəm 1 milyard kubmetrə yaxın olacaqdır.

Azərbaycan, sözün əsl mənasında, etibarlı tərəfdaşdır, dostluq ənənələrinə həmişə sadiqdir və dostluğu yüksək qiymətləndirir. Məhz dostluq, qarşılıqlı anlaşma, strateji tərəfdaşlıq üzərində qurulmuş əlaqələr bir çox ölkələrin maraqlarını təmin edir və qaz sahəsində əməkdaşlıq, eyni zamanda, genişmiqyaslı regional əməkdaşlığa da güclü zəmin yaradır. Xəzər dənizi, Qara dəniz, Aralıq dənizi, Avropa məkanı və Azərbaycan, Avropa İttifaqı əlaqələri - bütün bu istiqamətlər müsbət məcrada inkişaf edir və bizim gələcək planlarımız da bu istiqamətlərə xidmət göstərəcəkdir.

Gələcək planlarımız, təbii ki, qaz təchizatının coğrafiyasını daha da genişləndirməkdir və gələcəkdə Avropa məkanında yeni yaradılacaq interkonnektorlar vasitəsilə yeni ölkələrin bazarlarına çıxmaqdır. Bizim əsas hədəfimiz bərpaolunan enerji növləri ilə bağlıdır və 10 qiqavat bərpaolunan enerji növlərinin yaradılması üzrə Azərbaycan tərəfindən investorlarla sazişlər və anlaşma memorandumları imzalanmışdır.

Bir neçə gün bundan əvvəl yenə də biz növbəti dostluq təzahürünün şahidi olmuşuq. Həm Serbiya, həm Bolqarıstan, həm Şərqi Avropa qrupuna daxil olan digər ölkələr Azərbaycanın namizədliyini dəstəkləyərək COP29 konfransının Azərbaycanda, Bakıda keçirilməsinə izn verdilər, öz dəstəyini göstərdilər. Bu, bir daha həm dostluğumuzun nümunəsidir, eyni zamanda, onu göstərir ki, baxmayaraq, Azərbaycanın zəngin neft və qaz resursları var, biz gələcəyimizi təmiz yaşıl enerjinin istehsalında və ixracında görürük. Əminəm ki, gün gələcək və buna oxşar mərasim yaşıl enerji layihələri ilə bağlı keçiriləcəkdir.

Bir daha əziz dostum Aleksandara dəvətə görə təşəkkürümü bildirmək istəyirəm və hamımıza uğurlar arzulayıram. Sağ olun.

x x x

Daha sonra Bolqarıstan Prezidenti çıxış etdi.

Prezident Rumen Radevin çıxışı

-Hörmətli Prezident Vuçiç, möhtərəm Prezident Əliyev, xanımlar və cənablar, nazirlər, zati-aliləri, əziz qonaqlar!

Serbiya, Azərbaycan və Bolqarıstan olaraq ölkələrimizin cari ili yola salarkən daha təhlükəsiz və daha yaxşı gələcək naminə öz davamlı işi və bu işə göstərdiyi diqqət ilə nümunəvi olduğunu bildirmək istəyirəm. Fevralın əvvəlində Prezident Vuçiçin Bolqarıstana səfəri zamanı Bolqarıstan-Serbiya interkonnektorunun yaradılmasına start verilib. Yalnız bir neçə ay sonra biz artıq Bolqarıstan və Serbiya arasında interkonnektorun açılış mərasimini keçiririk.

Aprel ayında Prezident Əliyev Sofiyaya səfərə gəlmiş və Solidarity Ring təşəbbüsünü irəli sürmüşdür.

Mən bu dəvətə görə Prezident Vuçiçə səmimi təşəkkürümü bildirirəm və fevral ayında Bolqarıstandakı açılışdan daha xoş əhvali-ruhiyyə ilə bizi qarşıladığına görə minnətdarlığımızı bildiririk.

Biz bu gün yalnız təbii qaz şəbəkələrini birləşdirmirik. Çünki Bolqarıstan–Serbiya interkonnektoru yalnız infrastruktur layihəsi deyil. O, bizim ölkələrimizin artan texnoloji imkanlarının, həmçinin Serbiya-Bolqarıstan, Bolqarıstan-Serbiya-Azərbaycan arasındakı uğurlu və faydalı əməkdaşlığın rəmzidir. Əməkdaşlıq bizim regionda davamlı, dayanıqlı iqtisadi inkişafa və tərəqqiyə gətirir. O, bizim Avropanın gələcəyi üçün quruculuq işləri görmək istəyimizin bir ifadəsidir. O, Avropa İttifaqının təhlükəsiz və etibarlı enerji mənbələri üçün iddialı baxışdır. Mən qəti əminəm ki, interkonnektor sərhəd regionlarda, həmin boruların keçdiyi yerlərdə investisiya maraqlarının artmasına töhfə verəcək.

Mən Prezident Vuçiçi təbrik etmək istəyirəm. Çünki təvazökar olduğu üçün o, özünü tərifləmir. Lakin həm mən, həm də Prezident Əliyev Serbiyaya hər səfərimiz zamanı burada infrastrukturun mühüm inkişafının şahidi oluruq. Mən burada çəkilən zəhməti, Serbiyanın Avropanın modern inkişafına nümunə olduğunu görürəm və bu, məni çox sevindirir. Bolqarıstanın Prezidenti kimi mən sərhəd regionlarda, bolqar milli azlığının yerləşdiyi ərazilərdə infrastrukturun və yol şəbəkələrinin inkişaf etdirilməsinə olan diqqəti görürəm. Mən, həmçinin daha öncə presedenti olmayan bir hadisədən bəhs etmək istəyirəm. Prezident Vuçiç və mən iki dəfə Mitroqradda milli azlıqlarımızla görüşmüş və problemləri birgə müzakirə etmişik. Biz birgə həyat şəraitini yaxşılaşdırmaq üçün layihələr müəyyənləşdirib imkanları müzakirə etmişik. Serbiyada bütün infrastrukturun yaxşılaşdırılması və modernləşdirilməsi Bolqarıstana da birbaşa təsir edir. Çünki biz Avropaya Serbiya vasitəsilə çıxa bilirik.

Bu gün biz Avropanın enerji xəritəsini dəyişirik. Çünki interkonnektor yalnız bizim ölkələr üçün deyil, bütün region üçün şaxələndirməyə və təhlükəsizliyə zəmanət verir. Təsadüfi deyil ki, bu layihə Avropa Komissiyası tərəfindən qarşılıqlı maraq doğuran layihə kimi dəyərləndirilib.

Ukraynadakı müharibə bizim yaxşı qonşuluq və qarşılıqlı kömək, həmrəylik anlayışlarımızı yenidən gözdən keçirməyə səbəb oldu. Biz logistika və enerji sahələrində yalnız yeni resurslar, yeni yollar, yeni səmərəli həll vasitələri tapmalı deyil, həmçinin daha intensiv, daha güclü beynəlxalq xəritə yaratmalıyıq. Həmin coğrafi mövqeyin əhəmiyyətinin dərk edilməsi, fəal enerji siyasəti təkcə həmin ölkələrə deyil, həm də bütün qonşulara, regiondan da daha uzaq məsafədə yerləşən ölkələrə fayda verəcək.

İcazə verin, prezidentlər Vuçiç və Əliyevə bir daha təşəkkürümü bildirim. Onlar oktyabrın 1-də Yunanıstan və Bolqarıstan arasındakı interkonnektorun açılış mərasimində iştirak etmək üçün Sofiyaya gəlmişdilər. Həmin interkonnektor sayəsində Bolqarıstan nəhayət ki, Azərbaycan qazını qəbul edə bildi. Bizim on il öncə anlaşmamız var idi. O vaxt biz nə Avropadan, nə də ki, Azərbaycandan fiziki qaz qəbul edə bilmirdik. Mən Prezident Əliyevə təşəkkürümü bildirmək istəyirəm. O sübut etdi ki, Bakı bütün anlaşma və razılıqlara ciddi yanaşır. Baxmayaraq ki, on il öncə mühüm dəyişikliklər olmuşdu. Mən avropalı həmkarlarla görüşlərimdə hər dəfə bildirirəm ki, Azərbaycan etibarlı tərəfdaşdır. Mən inanıram ki, biz elə bu cür də çalışmağa davam edəcəyik.

Bu il Bolqarıstan anlaşmanı yekunlaşdırdı və həm Elengi terminallarına, həm Yunanıstana, həm də Türkiyəyə çıxış əldə etdi. Bizim, həmçinin onların şəbəkələri vasitəsilə tranzit əməliyyatları keçirmək üçün anlaşmalarımız var. Mart ayında biz Aleksandropolisdəki enerji terminalının açılışını etdik. Bolqarıstan həmin layihədə 20 faiz səhmə sahibdir. Biz aprel ayında strateji əhəmiyyətli, Avropa üçün önəmli olan Solidarity Ring layihəsinin açılışını etdik. Bununla da biz Azərbaycandan Mərkəzi və Şərqi Avropaya qazın ən sürətli və ucuz nəqlinə nail olmaq üçün şəbəkələrimizi birləşdirmə imkanı qazanırıq. Bizim sahibi olduğumuz bu fəal siyasət sayəsində bu gün Serbiyada interkonnektorun açılış mərasimini edirik. Yalnız Serbiya deyil, həmçinin regionun digər ölkələri də Azərbaycandan gələn qaza, həmçinin yeddi terminala, Aralıq dənizindəki Elengi terminalına və təbii ki, Solidarity Ring təşəbbüsünə, Bolqarıstandakı Çidan adlı saxlama yerinə çıxış əldə edib. Biz hazırda Bolqarıstandakı infrastrukturu genişləndiririk və bunun sayəsində Qərbi Avropa qaz ehtiyatlarına da çıxış əldə edəcəyik.

Biz bu gün sübut edirik ki, yalnız birgə səylər nəticəsində, ortaq istəyə əsasən iqtisadi inkişaf əldə edə, daha yaxşı, daha təhlükəsiz gələcəyə nail ola bilərik. Digər önəmli məsələ isə odur ki, biz infrastrukturun inkişafı nəticəsində daha böyük nailiyyətlər əldə edəcəyik. Əvvəlcə bildirdiyim kimi, bu səhər Vuçiçlə keçirilən görüşümüzdə birgə anlaşmalar nəticəsində öz ehtiyacımızı ödəmək üçün qaz təminatını yaxşılaşdıracağıq. Biz bununla da ən yaxşı şərait əldə etmiş olacağıq, həmçinin öz vətəndaşlarımıza ən yaxşı qiymətlər təqdim edib, üçüncü dövlətlərə birgə qaz satacağıq. Burada geniş fürsətlər var və biz yaxşı siyasət, yaxşı səylər nəticəsində mühüm nəticələr əldə edəcəyik.

Mən Avropa Komissiyasına maliyyə dəstəyi göstərdiyinə və həmçinin bütün Avropa üçün mühüm olan bu layihəni təşviq etdiyinə görə minnətdaram. Təbii ki, biz bu uğura görə bütün institutlara və tikinti işçilərinə minnətdarıq. Onlar sübut etdilər ki, bu iki ölkə texnoloji bacarığa malikdir və ən yüksək texnologiyalı yeni nəsil boru xəttini inşa edə bilir. Bundan sonra çalışacaq bütün komandalara təşəkkür edirəm, onlara uğurlar arzulayır, hər kəsə faydalı iş diləyirəm. Çox sağ olun.

X X X

Layihənin əhəmiyyətindən danışan Avropa İttifaqının Serbiyadakı daimi nümayəndəliyinin rəhbəri Emmanuel Jofre enerji təhlükəsizliyinin və enerji dayanıqlılığının gücləndirilməsində mühüm bir mərhələnin qeyd olunduğunu vurğulayaraq dedi:

-Avropa İttifaqı bu layihəyə demək olar ki, 50 milyon avroluq qrant, Avropa İnvestisiya Bankı isə 25 milyon avro məbləğində imtiyazlı kredit ayırıb. Bundan əlavə, biz Bolqarıstan ərazisində interkonnektorun tikintisinə 20 milyon avro ayırmışıq. Bu mühüm mərhələ Serbiya vətəndaşlarının həyat şəraitini yaxşılaşdırmaq məqsədilə Avropa İttifaqının enerji sektorunda bu ölkəyə verdiyi ümumi dəstəyin bir hissəsidir.

Biz Bolqarıstanı Serbiya ilə, Serbiyanı Avropa İttifaqı ilə birləşdiririk. Bu baxımdan bu infrastruktur Serbiya və Avropa İttifaqı üçün strateji əhəmiyyət kəsb edir. Biz həm də ümumi enerji balansında qazın payının artırılmasının mümkünlüyünü qeyd edirik ki, bu da Avropa İttifaqının “yaşıl sazişi”nə uyğun olaraq iqtisadiyyatımızın karbonsuzlaşdırılması istiqamətində bir addım olaraq, kömür kimi daha çox çirkləndirən enerji mənbələrindən təbii qaz kimi daha az çirkləndirən enerji mənbələrinə keçidə şərait yaradır.

X X X

Sonda prezidentlər İlham Əliyev, Aleksandar Vuçiç, Rumen Radev və Aİ-nin daimi nümayəndəliyinin rəhbəri Emmanuel Jofre Serbiya-Bolqarıstan Qaz İnterkonnektorunu işə saldılar.








VİDEO

Rusiya Paşinyanı Zəngəzurda tam deşifrə etdi - “istəmir”... - VİDEO

“İlyuşin” Bakıdan Naxçıvana 14 reys silah daşıyıb? - Yeni erməni-fransız yalanı… - VİDEO

“Reuters” agentliyindən Bakıda COP29 tədbirinə təxribat... - VİDEO

Çoxsaylı Münhen və Davos görüşləri 7 fevral seçkilərinə münasibəti ifadə etdi...

Kamil Zeynallı azadlığa buraxılıb - vəkil açıqladı

Zatulin erməniləri qızışdırır ki, Azərbaycan vətəndaşlığını qəbul etməsinlər.....

SON XƏBƏRLƏR

22.02.2024 | 17:27
"Sülh sazişi layihəsi ilə bağlı Azərbaycanın növbəti şərhləri Ermənistana təqdim edilib" - Ceyhun Bayramov

22.02.2024 | 17:18
Britaniyanın 17 milyon dollarlıq nüvə raketinin sınağı uğursuz oldu – İngilislər az qala öz nazirini vuracaqdı…

22.02.2024 | 17:10
Conson Ukrayna haqqında müsahibə üçün jurnalistdən 1 milyon dollar istədi – “Putin məndən milyon dollar istəmədi”

22.02.2024 | 17:06
Şuşadan genlərlə gələn istedad və səs

22.02.2024 | 17:00
"Vətən adlı xəstəliyim var, Alıah şəfa verməsin"- Kamalə Abıyeva yazır....

22.02.2024 | 16:52
Baş Prokurorluqdan Əhməd Əhmədovla bağlı yeni açıqlama yaydı

22.02.2024 | 16:44
Xocalıda azərbaycanlı əsirlərə burada işgəncə verilib - DƏHŞƏTLİ GÖRÜNTÜLƏR...

22.02.2024 | 16:31
Avtomobil yollarının tikintisi və istismarı sahəsində fərqlənən bir qrup şəxs təltif edildi

22.02.2024 | 16:25
Samir Rzayev AZAL-ın prezidenti təyin edildi

22.02.2024 | 16:24
COP29-un Təşkilat Komitəsinin tərkibi genişləndirildi - SƏRƏNCAM

22.02.2024 | 16:21
Rusiya Fransanı Qara dəniz üzərində uçan hərbi təyyarələrini vurmaqla hədələdi

22.02.2024 | 15:57
"Fransa ordusu erməni hərbçilərinə döyüş kursları keçəcək" - KİV

22.02.2024 | 15:52
Ermənistan Kamil Zeynallının azadlığa buraxılması ilə bağlı Rusiyadan açıqlama gözləyir

22.02.2024 | 15:40
Qriqoryan: "Delimitasiya ilə bağlı növbəti görüşün vaxtı hələ müəyyən edilməyib"

22.02.2024 | 14:25
Rusların Xarkova atdığı ballistik raketin hissələrinin ABŞ və Avropa istehsalı olduğu ortaya çıxdı…

22.02.2024 | 13:34
"Makronun ermənidən çox ermənilik etməsi gülüş doğurur" - Qərbi Azərbaycan İcması

22.02.2024 | 13:03
Ноолду Кочарян, домиацумился? 36 лет последней армянской чумы - ПРЯМАЯ ТРАНСЛЯЦИЯ

22.02.2024 | 12:50
Azərbaycanda “OKX” və “ByBit” kriptobirjalarına giriş məhdudlaşdırıldı

22.02.2024 | 12:23
Ombudsman Xocalı soyqırımının 32-ci ildönümü ilə bağlı bəyanat yaydı

22.02.2024 | 12:00
Narkotikin təsiri altında avtomobil idarə edənlər saxlanılıb

22.02.2024 | 11:30
Bakıda narkotikə görə saxlanılan şəxs vəfat edib

22.02.2024 | 11:13
Paşinyanı qanlı təxribatlara kim tətikləyir?

22.02.2024 | 11:10
”Akıncı” Azərbaycanın müdafiə qabiliyyətinin artmasına daha bir töhfədir - ərəb portalı

22.02.2024 | 11:10
Prezident İlham Əliyev Səudiyyə Kralına təbrik məktubu göndərib

22.02.2024 | 11:05
Asiya Parlament Assambleyasına Azərbaycan sədrlik edəcək

22.02.2024 | 11:03
Erməni öz hiyləsiylə tora düşüb, çabalayır... - CANLI

22.02.2024 | 11:01
“Tik tok” mənəvi dəyərlərimizi məhv edir! - Jurnalist təşkilatı məhkəməyə üz tutdu

22.02.2024 | 11:00
"Qalatasaray" bu axşam "Sparta" ilə qarşılaşacaq

22.02.2024 | 10:45
"Azərbaycanın mövqeyi prinsipial və ardıcıldır" - Sahibə Qafarova

22.02.2024 | 10:40
Suriyadan gətirilən vətəndaşlar reabilitasiya prosesinə cəlb olunub - Nazirlikdən açıqlama

22.02.2024 | 10:37
İşğaldan azad edilmiş ərazilərdə avtomobil yolları ilə bağlı 13 layihə icra olunur

22.02.2024 | 10:33
Bayden Putini təhqir edib - "Quardian” nəşrindən SENSASİYALI İDDİA

22.02.2024 | 10:28
Bu axşam "Qarabağ" "Braqa" matçı keçiriləcək

22.02.2024 | 10:25
Xankəndidə silah-sursat tapıldı - DİN açıqladı

22.02.2024 | 09:23
Ən çox şikayət olunan 3 bank bunlardır - camaat nədən narazıdır?..

22.02.2024 | 09:12
"Emmanuel Makronun əsassız iddialarını qətiyyətlə pisləyirik" - XİN-dən SƏRT AÇIQLAMA

22.02.2024 | 08:44
Deputatlar müşkül məsələnin həllinə girişdilər - vahid formada məzar...

21.02.2024 | 22:51
“Bakı və İrəvan Əliyev və Paşinyanın görüşünün təşkili üzərində işləyir” - Qriqoryan

21.02.2024 | 22:15
Misir Prezidenti Prezident İlham Əliyevi təbrik edib

21.02.2024 | 20:55
Ermənistan Azərbaycanla yeni toqquşmaların əsasını qoydu...

21.02.2024 | 20:37
ABŞ-da Texas üsyanı böyüyür - Birləşmiş Ştatlar parçalanır...

21.02.2024 | 20:23
2 gündə 24 görüş, 10 görüşə isə imkan çatmadı - Qarabağ məsələsi ilə nə əlaqəsi?

21.02.2024 | 20:10
Qarabağ erməniləri Ermənistandan qaçır, yerlərinə hindistanlılar doluşur...

21.02.2024 | 19:54
Çoxsaylı Münhen və Davos görüşləri 7 fevral seçkilərinə münasibəti ifadə etdi...

21.02.2024 | 19:40
Dünya Fransanın casus şəbəkəsinə müharibə elan etdi...

21.02.2024 | 19:25
Üç yüksək ABŞ rəsmisi eyni gündə İlham Əliyevlə niyə görüşdü - Ermənistan arxa planda...

21.02.2024 | 19:12
Qardaşı mərhum professor Şamil Vəliyev haqda müsahibə verdi... - MÜSAHİBƏ

21.02.2024 | 18:58
Türkiyə və Azərbaycan vətəndaşları Ermənistanda niyə ev alırlar?..

21.02.2024 | 18:50
Belçikalıların Kralı Filip Prezident İlham Əliyevə təbrik məktubu göndərib

21.02.2024 | 18:43
Ermənistan Münhen görüşündə açılmış sülh şansını da vurur - bu yolla...

21.02.2024 | 18:29
Şagird qızların belə davranışı ilk növbədə ailə problemidir...

21.02.2024 | 18:16
Ağdaşlı şəhidimizin atası: "Oğlum Mahsun Kırmızıgül kimi oxuyurdu, adını oğluna verdim"...

21.02.2024 | 18:07
Prezident İlham Əliyev XXVII Avrasiya İqtisadi Zirvə Toplantısının iştirakçılarına müraciət etdi

21.02.2024 | 18:02
Məktəblərdə yeni fənnin tədrisi ilə uşaqları xilas edə bilərik - sosial şəbəkə maarifçiliyi...

21.02.2024 | 17:48
“Təşkilatın güclənməsi hər birimizin güclənməsi olacaq” - Əliyev TDT-yə yeni hədəf göstərdi...

21.02.2024 | 17:35
Zatulin ermənilərin Qarabağa qayıdışı əleyhinə böyük təxribat etdi...

21.02.2024 | 17:21
Azərbaycana görə AŞPA-ya etirazçı ölkələrin sırası genişləndi...

21.02.2024 | 17:15
Ermənistandakı Rusiya sərhədçiləri ilə Aİ missiyası toqquşdu - ruslar avropalıları Nerkin-Anda buraxmadı...

21.02.2024 | 17:08
Akademiyada görünməmiş yeni ixtisas üzrə doktorantura təhsili yaradılır…

21.02.2024 | 17:00
HƏMAS lideri Yəhya Sinvarın Qəzza zolağından tunellərlə Misirə qaçdığı iddia edildi…

21.02.2024 | 16:55
Prezident hərbi xidmətə çağırışla bağlı sərəncam imzaladı

21.02.2024 | 16:51
Vəzifəli şəxslərin siyahısının təsdiq edilməsində dəyişiklik ediləcək - FƏRMAN

21.02.2024 | 16:48
Sədərək rayonuna yeni icra başçısı təyin edildi

21.02.2024 | 16:43
Monteneqro Prezidenti Prezident İlham Əliyevi təbrik etdi

21.02.2024 | 16:32
Dövlət Komitəsinin sədri Ağdaşda vətəndaşları qəbul edib

21.02.2024 | 16:29
Maşınına polis atributları yapışdıranlara xəbərdarlıq edildi

21.02.2024 | 16:25
Yeni Suraxanı bələdiyyəsinin sədri həbs olundu

21.02.2024 | 16:14
Kamil Zeynallı azadlığa buraxılıb - vəkil açıqladı

21.02.2024 | 16:06
Ermənistan Azərbaycandan sülh sazişi üzrə növbəti təkliflər paketini alıb

21.02.2024 | 15:58
Avdiyivkadan geri çəkilmə zamanı minə yaxın ukraynalı əsgər ruslara əsir düşüb - ABŞ nəşrindən iddia...

21.02.2024 | 15:46
Darren Vuds Prezidenti Prezident İlham Əliyevə təbrik məktubu göndərib

21.02.2024 | 15:37
Rusiya-Ukrayna müharibəsi Almaniya iqtisadiyyatını vurdu - 200 milyardlıq ziyan...

21.02.2024 | 15:18
2023-də hərbi helikopterlə Rusiyadan Ukraynaya qaçan rus pilot İspaniyada öldürüldü

21.02.2024 | 14:54
Ağdamın Gülablı kəndindən olan həmyerlimiz Türkiyədə bələdiyyə namizədi oldu...

21.02.2024 | 14:51
Kamil Zeynallıya qarşı irəli sürülən maddələr açıqlandı

21.02.2024 | 14:50
Yazıq məktəb direktorları, nə etsinlər?- Fəqət çıxış yolu var...

21.02.2024 | 14:24
Rusiyadakı səfirliyimizdən Kamil Zeynallının saxlanılması ilə bağlı açıqlama...

21.02.2024 | 14:17
Erkən pensiya hüququ verən peşə və vəzifələrin siyahısı artırıldı

21.02.2024 | 13:36
Azərbaycanda yeni qoruq yaradıldı - SƏRƏNCAM

21.02.2024 | 13:33
Yeni Kaledoniyada keçirilən etirazlarda Azərbaycan bayrağı qaldırıldı - VİDEO

XƏBƏR ARXİVİ

«    Fevral 2024    »
BeÇaÇCaCŞB
 1234
567891011
12131415161718
19202122232425
26272829