Şavkat Mirziyoyev Azərbaycana COP29-un uğurlu keçirilməsini arzuladı
Özbəkistan Prezidenti Şavkat Mirziyoyev Azərbaycana qarşıdan gələn COP29 Konfransına uğurla ev sahibliyi etməyi arzulayıb.
Trend xəbər verir ki, o bu barədə Bişkekdə keçirilən Türk Dövlətləri Təşkilatı (TDT) Dövlət Başçılarının Zirvə Görüşündə çıxışı zamanı deyib.
"Gələn həftə Bakıda COP29 Konfransının işə başlaması münasibətilə Azərbaycan Prezidenti İlham Əliyevi bir daha səmimi qəlbdən təbrik edirəm və ona böyük uğurlar arzulayıram", - deyə Ş.Mirziyoyev bildirib.
O əlavə edib ki, iqlim dəyişikliyi ilə bağlı kəskin ekoloji problemlərin həlli yollarını tapmaq üçün Özbəkistan nazirlər səviyyəsində Türk Ətraf Mühit Şurasının yaradılmasının sürətləndirilməsini zəruri hesab edir: "Biz gələn bu mövzuda ilk iclası Özbəkistanda keçirməyə hazırıq".
