İran ərəb ölkələrini məlumatlandırdı - İsraili vuracaqlar...
İran daha güclü döyüş başlıqları və digər silahları əhatə edən, İsrailin hücumuna kompleks cavab planlaşdırdığına dair diplomatik mesaj göndərir.
“Wall Street Journal”ın yaydığı məlumata görə, İran ərəb diplomatlarına bildirib ki, İsrailin hücumu nəticəsində 4 əsgər və bir mülki şəxs həlak olduğu üçün onun ordusu əməliyyata cəlb olunacaq. Qeyd edilir ki, İranın nizami ordusunun hücuma cəlb olunması onun qoşunlarının yerləşdiriləcəyi demək deyil, o deməkdir ki, İsrailin təhlükəsizlik məsələləri ilə məşğul olan İslam İnqilabı Keşikçiləri Korpusu (SEPAH) bu halda təkbaşına hərəkət etməyəcək.
Eyni zamanda, Misirin rəsmi nümayəndəsi, İranın Misirə “güclü və kompleks” cavab barədə məlumat verdiyini deyib. İranlı hökumət nümayəndəsi bildirib ki, İran ola bilsin əməliyyatın bir hissəsi kimi İraq ərazisindən istifadə etsin və ehtimal ki, İsrailin hərbi obyektləri hədəf olacaq, lakin keçən dəfəkindən daha güclü...
Bu arada, İsrail İraqa xəbərdarlıq edir ki, iranpərəst paramilitar qüvvələrin İsrailə hücumu davam edərsə, İsrail İraqdakı hədəfləri vuracaq. Anonim mənbənin “Saudi Elaf” agentliyinə verdiyi məlumata görə, İsrail peyklər vasitəsilə Tehranın İsrailə gözlənilən hücumda istifadə etmək üçün İraq ərazisinə ballistik raketlər və müvafiq avadanlıqların ötürülməsi üzərində işlədiyi barədə məlumat alıb.
İsrail Bağdada öz ölkəsində fəaliyyət göstərən qüvvələrə nəzarət etməsi, onların İraq ərazisindən İsrailə hücum etmək üçün istifadə etməsinə mane olması barədə xəbərdarlıq edib.
TAHİR
