Trampdan 3-cü Dünya müharibəsi xəbərdarlığı - yaxın 3-4 ay ərzində…
ABŞ prezidentliyinə namizəd Donald Tramp bəyan edib ki, ABŞ hökumətinin hərəkətləri üzündən bəşəriyyət yaxın 3-4 ay ərzində dünya müharibəsi ilə üzləşə bilər.
Kaliforniyada mitinqdə çıxış edən Tramp bildirib ki, ABŞ-da mövcud administrasiyanın yanlış siyasəti dünyada sülhü təhdid edir. O, həmçinin iddia edib ki, yenidən prezident seçilsə, Ukraynadakı münaqişəni həll edə və Yaxın Şərqdəki xaosa son qoya bilər.
Tramp deyib ki, seçilərsə, dünyada sülhü bərpa edəcək, lakin Demokratların namizədi Kamala Harris prezident seçilərsə, dünya xaosa sürüklənəcək və xüsusən də Ukraynanın Rusiyaya hücumları üçüncü dünya müharibəsindən xəbər verə bilər.
Tramp Rusiya prezidenti Vladimir Putinin nüvə silahından istifadə etməklə hədələdiyini, lakin ABŞ prezidenti Baydenin bu məsələdə dəqiq mövqe sərgiləyə bilmədiyini deyib.
TAHİR
