Britaniyanın keçmiş baş nazirindən şok Covid etirafı - virus Çindəki bir laboratoriyadan sızdı...
Pandemiya dövründə Böyük Britaniyanın məşhur baş naziri olmuş Boris Conson bazar günü "Daily Mail" və "The Mail"də xüsusi olaraq seriallaşdırılan "Unleashed" adlı xatirələrinin bir hissəsini Covid-19-a həsr edib.
Britaniyanın keçmiş baş nazirinin xatirələrində dünyanı bürüyən Covid-19 pandemiyası ilə bağlı təəccüblü sətirlər yer alıb. O, kitabında baş nazir olduğu müddətdə virusun "variant dəyişikliyi" səbəbindən dünya miqyasında yeddi milyondan çox insanı öldürdüyünə dair klassik ilkin iddianı rədd edr.
Conson həmçinin hesab edir ki, Covid-19 epidemiyası Uhandakı bir bazarda heyvanlardan insanlara keçməsi ilə deyil, Çindəki bir laboratoriyadan sızma ilə başlayıb.
Virusun mənşəyini açıqlaması üçün Çin hökumətinə qarşı yeni təzyiqlərə səbəb olacaq bu sətirləri Conson xatirə kitabında belə yazır: "Covid fəlakətinin qorxulu tərəfi odur ki, o, hər cəhətdən tamamilə insan tərəfindən yaradılmışdır. Çox güman ki, mutasiya Çindəki bir laboratoriyada "səhv eksperiment"in nəticəsidir".
"Bəzi elm adamları Macbetdəki cadugərlər kimi virus parçalarını bir-birinə birləşdirirdi - yarasanın gözü və qurbağanın ayaq barmağı - və balaca şən məxluq sınaq şüşəsindən atladı və bütün dünyada çoxalmağa başladı".
Koronavirusla bağlı bu sətirləri ilə Conson Donald Trampdan sonra virusun yoluxmuş heyvanlardan insana keeçməsi fikrini açıq şəkildə rədd edən ikinci yüksək profilli dünya lideri oldu.
TAHİR
