Ərdoğanın bir sözündən yapışanlara İranın informasiya şəbəkəsi 2- ci "faktı" da verdi...
"Bakı Xəbər" qəzetinin Baş redaktoru, politoloq Aydın Quliyev öz Facebook səhifəsində ictimai-siyasi proseslərlə bağlı paylaşım edib. A.Quliyev yazır: "Ərdoğanın sözündən tutub köhnə bayatıları çalan ermənilərə düşmənlərimiz təəssüf ki, ikinci "faktı" da verdilər. Bu işdə bizim Azərbaycanın bəzi media orqanlarının da faktiki olaraq düşmən və dağıdıcı mövqe tutduqlarını xüsusi təəssüflə demək lazımdır .
Ərdoğanın " Liviya və Qarabağa girdiyimiz kimi İsrailə də girərik" sözləri ermənilərin yenidən hay- küy qaldırmalarına əsas vermişdi ki, "Qarabağ döyüşlərində türk ordusu da iştirak edib". Halbuki Qarabağ zəfərinin baş ideoloqunun və baş icraçı qəhrəmanının kim olduğu məlum faktdır, buna əlavə sübutlar axtarmaq lazım deyil.
Ancaq ermənilər öz məlum oyunlarını oynadıqları bir vaxtda "İnternational İran" və " Kan" agentliyi guya İsrailin hərbi rəhbərliyinin adından məlumat yaydılar ki, İsrail komandanlığı Azərbaycanda və Gürcüstanda qalmış hərbçilərinin bu ölkələrdən təcili geri qayıtmaları barədə əmr verib... Ermənilər və İranın bir sıra hakim dairələri Azərbaycanda İsrail hərbçilərinin və hətta İsrail ordusunun hissələrinin olduğunu da xeyli vaxt idi ki, sübut etməyə çalışırdılar. Düşmənlər onlara yeni fakt verdilər- əgər İsrail komandanlığı Azərbaycandakı öz hərbçilərini geri çağırırsa, deməli onlar bu vaxtacan Azərbaycanda idilər. Bu, elə əsil erməni tezisidir ki....
"İran internationalın" və "Kan" agentliyinin düşməncəsinə düzüb- qoşduqları xəbəri hansısa motivlə dərhal götürüb tirajlayan Azərbaycanın bəzi media orqanları asanlıqla tələyə düşdülər. Bəlkə də bunu bilərəkdən etdilər. Allah bilir. Ancaq ....
Əvvala, İsrail komandanlığından alındığı iddia edilən həmin məlumatın konkret mənbəyinin göstərilməməsinə diqqət yetirmək lazım idi. Əgər məlumat konkret mənbə göstərilmədən yayılıbsa, deməli şübhəli məqamlar var .
İkinci, Əgər İsrailin həqiqətən Azərbaycanda hərbiçiləri var idisə, onları belə hay- küylə geri çağırmaq nəyə lazım idi?! Bir səssiz göstərişlə Bakıdakı "İsrail hərbçilərini" elə çəkib aparmaq olardı ki, "nə diş bilərdi, nə də dodaq"...
Heç bir şübhə qalmır ki, İsrail komandanlığının adından uydurulan xəbərin arxasında İranın informasiya şəbəkəsi dayanır...."
Mətləb
