Makron Fransanın turizm sektorunu çökdürdü - turistlər kütləvi imtina edir...
Mətləb Salahov: “Makronun yalanları bu dəfə Parisin özünü “partladacaq”
Fransanın ev sahibliyi ilə davam edən 33-cü Yay Olimpiya Oyunları zamanı bu ölkənin paxırı tamamilə üzə çıxıb. Emanuel Makron Fransanı o günə salıb ki, bu ölkədə hər hansı bir iqtisadi inkişafdan danışmaq sadəcə gülüncdür.
Bir neçə gün əvvəl Olimpiya Oyunlarına qatılan idmançılar Parisdəki Olimpiya kəndindəki acınacaqlı vəziyyəti ifşa edən müsahibələr veriblər.
“Evronyus” televiziyasının yaydığı süjetdə də Fransanın iç üzü tamamilə ifşa olunub.
“Evronyus”un yaydığı xəbərə görə, Parisdə restoranların sahibləri böyük çətinliklə üzləşdiklərini bildiriblər. Bir sözlə, restoran sahibləri qan ağlayırlar. Onlar deyiblər ki, Parisdə keçirilən Olimpiyadaya görə böyük qazanclar götürməyə hazırlaşsalar da, Makron niyyətlərini gözlərində qoyub. Rəsmi Paris hesablayıbmış ki, Olimpiya Oyunları zamanı Parisə15 milyon turist gələcək, amma vəd edildiyindən yarıbayarı az sayda turist gəlib. Turistlərin azlığı və restoranlardakı yeməklərə tələbat olmadığına görə də Parisdə restoranlar ard-arda bağlanır, işçilər küçəyə atılır, dəhşətli bir vəziyyət yaranıb.
Makronun ölkəsində keçirilən Olimpiyada zamanı bu ölkənin vəziyyətinin iflic olduğu təsdiqlənib. Olimpiya kəndində də yemək yox, qidalar köhnə, kondisionersizlik, çarpayılar narahat, idmançılar karton çarpayılarda yata bilmədikləri üçün parklarda otun üstündə yatırlar.
Fransa hesablayıbmış ki, Olimpiya Oyunları zamanı Beləliklə Fransanın 15 milyon turist vədi yalan çıxdı, nəticədə restoranlar böhran içindədir.
Göründüyü kimi, Parisdə turizm iflic olub, restoranlar bağlanır. Təbii hamısı Makronun yarıtmaz siyasətinin nəticəsi olaraq bilinir.
“...Güclü turist axını barədə Fransa prezidentinin vədləri, elə ilk günlərdəcə fiaskoya uğradı”
Jurnalist-ekspert Mətləb Salahov “Bakı-Xəbər”ə “Emmanuel Makronun daha bir yalan vədi artıq Paris küçələrində əməllicə hiss olunmağa başlayıb. Dünyanın dörd birtərəfindən hörmətsiz şəkildə qovulan Yelisey Sarayının hazırkı sahibi, sən demə əsas yalan vədlərini Paris Olimpiadasına saxlayıbmış… Bu dəfə onun yalanları artıq Parisin ticarət sahiblərini və küçə iqtisadiyyatını alt-üst edib. Çünki iş adamlarının belə yalanlarla aldadılması ilk növbədə ölkə iqtisadiyyatının və sosial sektorunun iflic olmasına qədər gedib çıxan ən təhlükəli versiyadır. Heç şübhəsiz ki, Makronun bu cür yalançı vədləri artıq Fransadakı sosial böhranı daha dözülməz həddə çatdıracaq. Hər kəs gördü ki, Paris Olimpiadasına güclü turist axını barədə Fransa prezidentinin vədləri, elə ilk günlərdəcə fiaskoya uğradı. Rəzil səviyyədə olan təşkilatçılıq, otel və xidmət sektorunun biabırçı durumu, gündəlik iaşə obyektlərinin və hotellərin adi kondisioner və digər məişət texnikası ilə təchiz olunmaması 15 milyon turist gözləyən Makronun xəyalını Paris zibilliynə atdı. Məncə bu Emanuel Makronun üzləşdiyi ən həlledici və böyük fiasko kimi Fransa tarixində yer tutacaq” - deyə bildirdi.
M.Salahovun sözlərinə görə, bundan başqa, bu rəzillik həm də qarşıdakı aylarda sosial gərginliyin və etiraz dalğasının güclənməsinə, Paris küçələrində yeni “sarı jiletlilər” üsyanına əla zəmin hazırlayır. “Prezidentliyi dövründə Fransanın başına olmazın bəlalarını gətirən, BMT Təhlükəsizlik Şurasının üzvü olan bir ölkəni uzaq Afrikadan tutmuş Avropanın özünə qədər bihörmət hala salan E.Makron daha çox erməni şovinizminə hədsiz dəstəyi və bölgədə qanlı ssenarilər reallaşdırmaq üçün çapalayan Avropa qurumlarının əsas tərəfdaşı kimi tanınır. Axı bir sıra xalqları əsarət altında saxlayan Fransa kimi bir ölkənin sülh və dostluq rəmzi olan Olimpiada oyunlarına ev sahibliyi etməsi nə dərəcədə düzgündür?. Mənim qənaətim odur ki, Parisdə keçirilən Olimpiya oyunlarındakı ən müxtəlif rəzalət tamaşaları həm də E.Makron hökümətinin siyasi mahiyyəti üçün əsl göstəricidir” - deyə M.Salahov bildirdi.
İradə SARIYEVA
