Çin "Sibirin Gücü 2"- yə sərmayə qoymaqdan imtina etdi - Rusiyaya təzyiq?
"Qazprom" şirkətinin "Sibirin Gücü 2" qaz kəməri layihəsi havada qalmağa davam edir. "The South China Morning Post" bu barədə Moskvadakı vəziyyətlə tanış olan mənbəyə istinadən xəbər verir. Çin Rusiyaya çoxmilyardlıq tikinti layihəsini tam ödəməyi təklif edərək, Rusiya qazına endirimlər tələb edir, lakin yeni boru kəmərinə bir yuan da yatırmaq niyyətində deyil. "Pekin öz şərtlərini diktə edə biləcəyini və (Rusiyadan daha güclü) mövqedə olduğunu çox yaxşı başa düşür", - deyə nəşrdə qeyd olunub. Nəşrin yazdığına görə, təzyiqlər dövlət başçıları səviyyəsində edilir və Çinin Rusiya xammalı üçün mümkün qədər az pul ödəmək istəməsi ilə nəticələnir.
Rusiyanın büdcə materiallarına görə, 2024-cü ildə qazın orta qiyməti hər min kubmetr üçün 297,3 dollar, Avropa və Türkiyə üçün isə 501,6 dollar olacaq.
Gələn il Çin üçün endirim hökumətin proqnozlarına görə isə 46%-ə yüksələcək: "Sibirin gücü"ndən qazın min kubmetri 271,6 dollara, Türkiyə və Avropa üçün isə 481,7 dollara başa gələcək . Lakin bu Çin üçün kifayət deyil. "SCMP" mənbəsi yazır ki, Çin dərin endirimlər tələb edə bilər. "Qazprom"un yeni meqalayihə üçün pulunun olub-olmayacağı isə hələlik qeyri-müəyyən olaraq qalır.
Leyla SƏMƏNDƏR
