Daha beş şəhidimiz Xocalıda dəfn edildi
![Image](/uploads/posts/2024-07/trend_xocali_defn_7.webp)
Birinci Qarabağ müharibəsində itkin düşmüş və şəxsiyyəti müəyyənləşdirilən daha beş şəhidin nəşi Xocalı şəhəri Şəhidlər xiyabanında dəfn olunub.
Trend xəbər verir ki, onların nəşi Xocalı rayonu ərazisində aşkar edilmişdi.
Dəf edilən şəhidlər Usubəli Süleyman oğlu Qarayev, Şahin Talış oğlu Məmişov, Ələddin Bəhlul oğlu Paşayev, Nemət Musa oğlu Şahmuradov və Zakir Kamran oğlu Usubovdur.
Dəfn mərasimində şəhidlərin doğmaları, Xocalı Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.