İsrail ordusu Qəzzanı mühasirəyə alır...
İsrailin Müdafiə Ordusu bir neçə istiqamətdə birdən hərəkət edərək Qəzza şəhərini mühasirəyə alır. Bu barədə İsrailin Müdafiə Ordusunun Baş Qərargah rəisi general-leytenant Herzi Halevi açıqlama verib.
"Qoşunlar Qəzza zolağının şimal hissəsinin mərkəzindədirlər, Qəzza şəhərində hərəkət edirlər, onu mühasirəyə alırlar, quru hücumunu gücləndirirlər", - "The Times of Israel" nəşri onun Hərbi Hava Qüvvələri bazasına ziyarəti zamanı sözlərindən sitat gətirir.
O qeyd edib ki, hərbçilərə havadan və dənizdən atəşlə kömək edirlər. General-leytenant həmçinin ordunun itkiləri ilə bağlı da məlumat verib. Deyib ki, quru əməliyyatı zamanı 18 nəfər həlak olub.
Onun sözlərinə görə, İsrail Hərbi Hava Qüvvələri Qəzzaya zərbələr zamanı potensialın yarısından daha azından istifadə edilb, lakin bu növ qoşunu digər cəbhələrdə də istifadə etməyə hazırdır.
Qəzza İnformasiya Ofisinin direktoru Salama Maruf isə İsrail ordusunun sahil yolu da daxil olmaqla Qəzzanın şimalından cənubuna gedən bütün yolları bağladığını deyib.
ZÜMRÜD
