ABŞ səfiri: "Şuşada olmaqdan xoşbəxtəm" - VİDEO
Mən bu gün Şuşada olmaqdan xoşbəxtəm. Trend xəbər verir ki, bu barədə ABŞ-nin Azərbaycandakı səfiri Mark Libbi deyib.
"Biz iki aya yaxındır ki bu səfərə hazırlaşırdıq və mən şadam ki, bu səfər, nəhayət ki, baş tutdu. Qonaqpərvərliyinizə görə təşəkkür edirəm. Azərbaycanın bütün bölgələrinə səfərlərimi davam etdirməyi səbirsizliklə gözləyirəm", - deyə səfir vurğulayıb.
Qeyd edək ki, bu gün səfir Libbi xanımı Danusia ilə birlikdə Şuşaya səfər edib. Bu, ABŞ səfirinin Azərbaycan öz torpaqlarını erməni işğalından azad etdikdən 4 il sonra həmin ərazilərə ilk səfəridir.
